قرأت موضوعك ثلاث مرات ... وبكل مرة .. قررت الرد وتأخرت لسبب ما
أحييكي على صياغتك بداية ً .. قلمك خطير ..
بس اسمحيلي ألا أتفق معك .. ( واسمحيلي اكتب بالعامية ) بكون مرتاحة فيها اكتر
بداية انا بعتقد اني وردية ومتفائلة عموما ً بخصوص الحياة
اي في حياة قبل الموت .. والكثير منها " أوقات بحس انو كل الحياة لا تكفيني " ..
الحياة صعبة أي كتير صعبة واعتقد إذا كانت سهلة ما كنت رح حبها
بس فيها فرح .. ولحظات دافئة ..
فيها مرحلة وقت بتسكري .. الكتاب تبع " كيف لازم أتصرف ؟ وكيف لازم أعيش "
وبتمسكي قلم ودفتر .. وبتقولي
هكذا أحب أن أكون .. هكذا أنا .. وهكذا أود أن اعيش
فيها الكثير من الأحلام .. بس في إنجازات بتجي أوقات اكبر من الحلم حتى
وحتى لو ماتحققت .. فيها متعة الحلم والسعي ..
الطريق اللي منمشيه بهالحياة مهم قد أهمية الهدف
أي أعتقد أنو في حياة قبل الموت
وحياة جميلة ...
|