[romadiz]

حبيت أنو حط هون مقاطع من مسرحيات الأخوين رحباني.
و أول مقطع رح يكون لحوار من مسرحية المحطة بين الحرامي و الشحاد .




الشحاد : يا كريم يا اللــــــــــــــه ...
الحرامي : شووووو...؟ أنت شحاااااد ؟
الشحاد : نعم شحاد .
الحرامي : وماعاد يعجبك الشغل هاون .؟
الشحاد : هون المناخ أشوب. الناس كسلانين. ما ألهون مروة يمدّو أيدهون ع جيابهون. بالشمال ع البرد, الواحد أيدو بجيبتو خلئا .
الحرامي : آآآآآ ...!!!!! يعني جنابك رايح سياحة شحاديي ؟
الشحاد : يا أخي صار في كتير مضاربات هاون. بتلاقي الواحد مش شغلتو,أجا وئف حد منك و مدّ ايدو. شي بيتعب الأعصاب .صارو الشحادين أكتر من محلات الفراريج. ف لازم الواحد من مرّة ل مرّة يروح يستجم يغير جوّ .تفضل, عم باخود فاليوم valium....
الحرامي: يعني عم بهم من كلامك انك ما رح بتشحد كل هالمدة... ماهيك ؟
الشحاد : أني دور بالشوارع و مدّ ايدي !!!! لأ...ممكن نئط تنئيط .نئيلي بيت أو مطعم حايد. منو بطالع و منو بستمخ ع البرنامج الموسيقى...
الحرامي : اسم الله...بتحب الموسيقى كمان !!!!
الشحاد :الكلاسيكية....
الحرامي : ياعيني...
الشحاد :أنا يومية الصبح بئعد تحت هوني شباك, و بتسمع شي ساعة ل باخ و تشوكوفسكي.
الحرامي : عفـــاك ... بس هايدا المطعم الحايد مافهمت, من شان شو ؟
الشحاد :المطعم الحايد ما بيئصدو إلا الشخص الضاهر هوي و وحدة بيحبها.
الحرامي : اهه ...
الشحاد : أنا بعرف كيف بستفرد الرجال و بحشرو ئدام الست .و لا يخفاك الأمــــــر . الرجال بيحب الكنفشة ....
الحرامي : طيــب ... وبلكي ما دفع ؟
الشحاد : إذا ما دفع بعلي صوتي بخجلو .ومرات إذا طنّش , بصير بنكوزو بإصبعي...
الحرامي : يخرب بيتك .
الشحاد : مرة لحئت هوني زبون , حرئلي ئلبي.بالأخير لئطو بدينتو و برمتو صوبي.
الحرامي : طيب وبلكي بعد كل ه الشي مادفع ؟
الشحاد : إي بتكون اللي معو مرتو...
الحرامي : عفاك... ئرب ئرب تئلك ...بتسمع مني , أنت لازم تصير تعرف زبوناتك كلون مظبوووط.
الشحاد : لك كلـــون بعرفون .نص خواجات هالبلد بيضهرو مع غير نسوانون.
الخواجه فيليب مثلاً .أنا و ياه هيييك. بعرفو و بعرف مرتو .بالنهار بيدفع شي و بس يضهر شي ضهرا بالليل بيدفع شي تاني .بدو الستره . وإذا شي ليله طنــش بصرخلو من بعيد: الله يخليلك هالست الحلوة يا خاواجة فيليـــــــب . رأساً بيبرم وبيحط الخمسة .
الحرامي : إي اللــــه يلئـــطني فيـــــــك يا خواجة فيليب..
طيب ليك...أنت جربت تنشل شي مرة ؟
الشحاد : لـــــــأ , ما بوسخ سجلي العدلي .
الحرامي : ولا مافيك نضيف إلا سجلك . لشو مخليه .ياما الظاهر واعدينك بشي وظيفة ؟
الشحاد : أنا أتوظف ؟؟؟؟ العوذ بالله .شغلتي مزراب دهب .
الحرامي : فإذن ليه عم تشحد مني تذكرة ؟ مافي معك تدفع ؟
الشحاد : مش ئضية ما معي . ئضية مبدأ.
الحرامي : يا يعيني ع المبدأ .!!!!
الشحاد : عجيـــب!!! شكلك حرامي .
الحرامي :برافو . كيف عرفت ؟
الشحاد :نحنا بشغلنا منئوا بعلم النفس .بندرس وجوه الناس هني و ملهيين .لأنون مابحسبونا شي .منطلع فيون أكتر مابيطلعو فينا .
أنت عيونك عيون حرامي .
الحرامي : مش عـــاجبك الحرامي ؟؟؟؟أنا و أنت زوملا .الشحاد حرامي جبان .
الشحاد : و الحرامي شحاد وئح .تنيناتنا مناخد من جيوب الناس . أنا بمد ايدي وباخود و أنت بتمدّ أيدك وبتاخود ..
الحرامي : بس ماتنسا يا أخ . الحرامي بياخود من جياب الناس بالئوي , يعني بطـــولة .
الشحاد : والشحاد بياخد من جياب الناس بالإقنــــأع ؟ يعني ســــياسة .
صحيح أنتي بطل أكتر مني . بس أنا سياسي أكتر منك . و تنايناتهون . ..السياسي و البطل لازمين لمصلحة الوطن .....