اقتباس:
و الشي الاهم ( يلي كنت بتمنى لاقي رد عن حدا عليه) انو هالشباب الفنانين تعبوا و التعن افطاسهون لحتى الفوا و كتبوا و عزفوا و غنوا و طبعوا و وزعوا ,,, ايام و شهور و منهون سنين ....
مشان 200 ليرة بجي و برفع الموسيقى لهون ؟؟؟؟ والله عيب
|
أول شي ما بعرف.. حاسس شوي تانية رح ناكل كف أو هيك شي...
بالنسبة لهالنقطة.. كلامك صحيح لو سيدياتهون متوفرة.. و الكم الأكبر من الموسيقى الموجودة من بهالمنتدى يصعب جدا تلاقيها بمحل (يجوز بالشام و حلب سهل..بس أنا بزماناتي برمت الرقة كلها ع شريط كلنا سوا و ما لقيتو).
+
الملكية الفكرة بسوريا فايتة بالحيط.. و كنت بعرف شخص قريب مني يشتغل بقصة الانتاج الفني... و كل المصاري بيروح للشركة لما الفنان يجوز حتى مالو خبر انو هالشركة عم تبيعلو أشرطتو أو سيدياتو (يجوز هلأ صار في روتانا و هيك قصص...لكن الأغلبية هيك الوضع)
+
على وضع النت بسوريا.. تنزيل ألبوم صاير وجع قلب.. و اغلب اللي بيشتغلو بالتنزيل هنن مغتربين متل حكايتي ما عندون غير طريقة ليحصلو على هالموسيقى
لذلك.. القضية مانها ببساطة انو "بنزّل من النت و للا بدفع مصاري".. لأنو بكتير حالات.. و هيي يجوز الأغلبية.. يا تنزّل يا ما تلاقي