[oliver68]

كاتب النص الأصلي : maged-syrian

في عدة نقاط ياابو طريق




هلق تفسيرك للاقتراب من الله هو ضعف الايمان ؟!
وهلق الاخونجي امثال البيانوني يعتبر مثال يحتذى به بين المسلمين في سوريا !
انا شخصياً ملتزم مو معناه ان التزامي بيعطيني الحق اني افرق بين البشر! وللمعلومية التزامي أمر خاص فيني بيني وبين ربي بحياتي لم افرض على احد ان يلتزم مثل ماانا ملتزم ! ولدي عدة اصدقاء من اديان اخرى!
الالتزام بالدين بأيد الشخص لمن بدو يروح يصلي بالمسجد مثلاً مو ضروري يعلنها على الملأ أنه رايح يصلي ليثبت ايمانه !




هاد انا بسميه نفاق .. هيك نوعية من الناس منافقين ... او بالاحرى يطلق عليهم المتسترين بالدين وهدول كترانين بمجتمعنا لعدة اسباب بتنذكر لاحقاً




انا بعيش بالمدينة المنورة ومكة المكرمة واشتغلت بمجال الحج والعمرة لفترة .. تصور الناس عم تدفع مئات الآلاف من الريالات بس لتزور الاراضي المقدسة وتقوم بفرائض الحج والعمرة ...
بسوريا في شخص قعد يجمع 3 سنين بس ليطلع عمكة يؤدي فريضة الحج ... يعني هدول الناس عم يدعوا التدين !! لو عم يدعوا التدين على حسب زعمك كان من الاحرى انهم يصرفوا المصاري هاي على بسطهم وكيفهم ومتعتهم الدنيوية ؟؟!! ماهيك



اصابيع ايديك مو كلها متل بعض في رجال دين بكل معنى الكلمة رجال دين وفي رجال دين تابعين للحكام والامراء وبيقبضوا بالعملة الصعبة هدفهم الاول والاخير نصرهم الفئة الحاكمة للمجتمع وهاد الشيء بكل المجتمعات مو بس بالمجتمعات الاسلامية
في رجال دين مامعهم حق فاتورة كهربا يدفعوها لعلمك ومامعهم حق قوتهم اليومي هدول شو بتسميهم ؟!



انا ماكفرته !!
انا شفته مرتعب واطرافه تخدرت من الرعبة وحكمت عليه من كتابته انه مرعوب والكلمات المهولة التي كتبها بتشهد على انه مرعوب ( خطير , مرعب , مخيف ) قمت جبتله هالاية اللي بتنطبق عليه بالفعل لأنه الله القى في قلبه الرعب متل ماناس مرعوبة من المد الصهيوني والراسمالي وناس مرعوبة من المد الشيوعي كمان في ناس مرعوبة من المد الاسلامي !!!

أخي ماجد أنا كمان خايف ومرعوب متل صاحب الموضوع، ويمكن أكتر كمان، لأن هالمد مو مد ديني أبدا، ولا مد إسلامي، هادا مد مظاهر، مد ضعف إيمان، لاحظ النقاط يللي حكاها هيي كلها عبارة عن مظاهر، كترة المساجد وبعشرات الطوابق، والاهتمام بالحجاب ونبذ غير المحجبة وأحيانا تكفيرها، ترباية اللحى...الخ، بينما الجوهر ما اتغير، لسا في عنا أكل مال الأيتام والربا وهالشي عمبزيد بازدياد مظاهر التدين، وكل هالأخطاء مصدرها ناس عميدعوا الدين، ولعلمك الإخوان المسلمين كلهن نصابين ومحتالين، وهون بعمان هنن جماعة مو محظورة وبلاويهن ما بتنعد، ونفس الشي بمصر، الإخوان المسلمين جماعة نصب واحتيال باسم الدين، وهدول عمينشروا المظاهر وينسوا جوهر الدين.
هلأ أنا ما عمانفي إنو في ناس فعلا بحبوا ربهن وبيطيعوه قلبا وقالبا، بس هدول كتير قلال، وللأسف عمبقلوا أكتر بهالفترة، ورجال الدعوة يللي أنا عماحكي عنهن هنن كل شيخ أو داعية، وأنا قاصد إني عمم، عالأقل عالدعاة يللي عمشوفهن حاليا عالفضائيات، كلهن نصابين ومحتالين وبيستتروا بالدعوة، ويللي إنتي عمتحكي عنهن مانهن عميتنطوطوا من فضائية لفضائية ومن برنامج لبرنامج.