[passerby_intime]

كاتب النص الأصلي : اكليل الورد

-كيف تجوزت ستي وستك ؟ وكيف تجوزت امي وامك ؟ كيف تجوز بيي وبييك؟ و كيف تجوزت اختي واختك ؟
قصة حب فيها تطووور


سنه 1950– و قبل بكتيييير, بتييجي الام لابنتها -وأكيد واسطة من ابوووها - وبتخبرها الاسبووع الجاي عرسك' مبروووك '.


سنه 1960- بتيجي الام للبنت وبتحكيلها: ابن عمك طلب ايدك من ابوكي ووافق ريتو الف مبروك, ابن العم بده ينزل بنت العم عن الفرس.


سنه 1970- واخيرا حرية الاختيار الام ابن فلان تقدملك موافئه ولا لا والبنت صارت تدلع وبتقول : ' لا لسا صغيره ' ( سبحان مغير الاحواااال )) .


سنه 1980- هوب هوب هوب البنت صارت تسأل اصلوو وفصلوو وشو بيشتغل و عن حالته الماديه وابن مين بيكون ... وبعد كل هذه الاسئله والكل مستنى في الجواب موافقه ؟ لا مش ملائم الي بعدين بعدين كبير عليي ... كبير يعني مو حلووو بالعربي افهموااا.


سنه 1990 - اووووووووووووووف البنت بتطلب تقعود مع العريس وتتعرف عليه اكثر عااادي موغلط وبالأخر موموافقه بدها تتعلم اسفه شفلك غيري.


سنه 2000- لولولولولوليييييش البنت بتحكي لاامها حبيبي جاي يخطبني اليوم موافقين ولا مو موافقين...وحتى اذا مش موافقين بدي ياه يعني بدي ياه


سنه2001 – انا بحبك ومستعد اتجوزك موافقه ؟ انا بحترمك متل خيي واكتر بس انا مرتبطه... ((كنت فاكر البعد هيين كنت فاكر اني نسيت ))


سنه 2007– بابا بابا .... اليوم خطبتي لا تطلع من البيت اوكي , يكتر خيرا خبرته قبل بكم ساعه


سنه 2010 – بابا بابا الاسبووع الجاي عرسي وانت معزوووم احكي لعمامي واعزم صحابك كللون اي ...(( وكبرنا يا بيي وكبرت فينا الايام... المسؤوليه كبرت معانا وكبرت الاحلام ))


سنه 2015 – بابا بدي اعرفك فادي , فضل , رامي ولادي... ليش انتي تجوزتي يا بابا ؟؟؟ يييييييي عا عقلي شو اني مابفهم كيف نسيت احكيلك !!! ((الشغل لفووووء راسا مسكينه))

ناطره ردودكم

تحياتي

ناقصة مرحلة أكيد بلشت مظاهرها تلوح بالأفق وهي مرحلة البنت هي يلي بتروح تخطب الشب ببيتو
وينها هالمرحلة ما ذكرتيها ولا بسنة وإلا عم تخاوزي مع البنات وتعملي تغطاية إلهن حتى في النكت
يسلمو على هالموضوع الحلو