[oliver68]

كاتب النص الأصلي : maged-syrian

لااعرف ماهو سبب انزعاج صاحب الموضوع من هذا المد اللي صاير بالبلد !
مو على اساس ان مبدأكم حرية الفرد بممارسة معتقداته ولا المد الاسلامي قاعد على قلوب بعض ناس ؟
سبب هذا المد الاسلامي هو اقتناع الناس بأن الدنيا فانية وأنه لاملجأ الا لله عز وجل



ماكنت اعرف انو بسوريا في ناس مرعوبة لهالدرجة من هاي الظاهرة المبشرة بالخير
انت بكلامك هاد بتنطبق عليك الآية
سَنُلْقِي فِي قُلُوبِ الَّذِينَ كَفَرُواْ الرُّعْبَ بِمَا أَشْرَكُواْ بِاللّهِ مَا لَمْ يُنَزِّلْ بِهِ سُلْطَاناً وَمَأْوَاهُمُ النَّارُ وَبِئْسَ مَثْوَى الظَّالِمِينَ

الله القى في قلبك الرعب فهنيئاً الك

اسمحلي خالفك، هالمد ما سببو أبدا الخوف من الله متل ما عمتحكي، سببو ضعف الإيمان بالله والتغطاية على الأسوء، وما بعرف منين شفت إنها مبشرة بالخير إذا العالم صارت تفرق بين مسلم ومسيحي وسني وشيعي!!! صار الواحد ما يقطع وقت صلاة بالجوامع وبكون آكل حق إخواتو برا الجامع، بتلاقيه بيفتي على أبو جنب وهوي مقاطع إمو، صرنا نشوف المو محجبة نقول هي الله رح يعذبها ومنصير نحكم عليها غلط، وهيي بتكون أشرف من الشرف نفسو، لازم تحتك بالناس أكتر لتعرف إنو الناس عمتدين، يعني تدعي الدين، ومالها علاقة بالدين أبدا، يا زلمي صار مجال الدعوة مجال للكسب المادي السهل والسريع، شوف الإحصائيات بتلاقي رجال الدين ثرواتهن بالملايين ومئات الألوف، بينما الهوة بين الغني والفقير عمتزداد، والطبقة الوسطى عمتنقرض. بعدين كيف بتحكم عالزلمي إنو كافر، يعني إجاك وحي من عند الله وألهمك إنو هالآية بتنطبق عالزلمي وإنو كافر؟؟؟؟؟ هادا هوي الدين؟؟؟ إنو نكفر الناس لمجرد خالفونا بالرأي؟؟؟؟ هيك علمنا الرسول -صلى الله عليه وسلم- والأنبياء والصحابة؟؟؟؟؟ بس هادا الحكي هوي المد يللي بينخاف منو