بحب احكي شغلة .. زيارة الاماكن المقدسة .. من مراقد ومقامات ومزارات .. واضرحة .. مانو جهل ابدًا
الجهل لا يقاس حسب ادا شخص زار مقام .. او ما زار ..
1) التوسل لـ الله عز وجل بـ ذكر اسماء ائمة .. او انبياء .. هو مش جهل .. انما امر طبيعي جدًا .. قد يشفع الله لكِ بـ حق الائمة (على سبيل المثال).. مثلاً .. لما والدة الامام علي بن ابي طالب عليه السلام .. كانت جنب الكعبة ورح تولد الامام .. طلبت الشفاعة من الله قائلةً " ايا ربي و بـ (حق هذا المولود) " الخ... من الدعاء .. وتمت الشفاعة متل ما معروفة القصة .. يعني التوسل امر طبيعي جدًا ..
يعني انتِ وبلا مؤاخذة مروة .. صرتي بتحكي متل ابناء الحركة الوهابية الواهية .. يللي بتنادي بـ عدم التوسل لـ الله بالانبياء .. وبعدم القسم بغير الله .. وما شاكل ذلك ...
يا عيني 
..لأ ستي انا فعلا لا أؤمن انو بنفع نتوسل بأي حد الى الله .. وهاد شي لا يتعلق بالمذهب الوهابي انا هيك ربيت وانا هيك استنتجت وآمنت من قناعة شخصية كمان.. انا عن نفسي ما بشوف انو في انسان بنفع أنصّبو بمحل اللي رح بزكاتو وبركتو رح يغفرلي ربنا (اي شو يعني ربنا بيستنى ع موافقو..وعفوا ازا كان المصطلح جارح)
معلش منك ومن كل إنسان لكن انا هاد رأيي واعتقادي..
2) البكاء عند المقام .. لما انا بروح مقام سيدنا الحسين او ستنا زينب عليهما السلام وببكي.. وين الغلط؟ كل انسان عندو مشاعر بيبكي على قصتهما ..عن قصتهم ما بينسمح انو تقولي عنو ماضي ونقطة انتهى..وانو نحنا ابناء اليوم بيكفي نتذكر الماضي..غلط تقولي هيك.. لانو هيدا شي صار بالماضي وما زال تأثيرو قائم حتى يومنا هذا + البكاء ممكن يكون من آلام الشخص نفسو..انا لما كون حاملة هم وابكي انا وعم اتوسل لـ ربي ولاهل البيت عليهم السلام..ببكي من كتر آلامي وحزني مع ثقتي بـ استجابة الدعاء ..
البكاء بيكون هيك .. ونحنا بنبكي جنب الضريح .. ما بنكب فوقه مرميين وبنبكي.. في فرق بين الشغلتين ..الاولى طبيعية ..
طالما البكاء تأثرا بالالام النفسية للانسان او ممكن لزكرى الميت فهاد شي طبيعي..وانا حكيت تحديدا ايمتا انا ضد زيارة المقامات والبكاء يندرج بتقدري تدرجيه بنفس الخانة ..
3) قصة اذا لها بركة او ما لها..فـ عن تجربة بقلك انو لها .. وعفوًا منك.. انتي ادا قالولك تعي زوري ضريح النبي (المقام) صلى الله عليه وآله..بترفضي؟ لاعتقادك انو ما بيجي منو بركة ولا له فائدة؟ هذا مكان مقدس ..
في فرق بين زيارة ضريح لرؤيته ..للتسليم على روح الميت اللي فيه..وبين اني بروح وكلي إيمانانو بهالضريح رح الاقي المعجزات والكرامات ..
يعني حسب حكيك بيطلع انو ما في فرق تصلي وتدعي بمكان مقدس او مكان مدنس..(بحكي من ناحية الفائدة والقبول)
باعتبار الـ 2 ما بيجيبو بركة وما منهم فائدة ( بحسب قولك ومنظورك )
لأ لأ أبدا حكيي ما جاب لا من بعيد ولا من قريب هالاستنتاج 
واخيرا بحب قول..نعتك بالجهل لـ يللي بيروحو طالبين شفاعة .. لا يعتبر راي..يعتبر تمادي ومساس .. لانو طلب الشفاعة والتوسل لا يمت للجهل بـ صلة .. باعتبار القديسين..المقدسين..الاطهار .. بكرامتهم وبشفاعتهم..وبحقهم ومعزتهم عند الله .. يستجيب الله لنا الدعاء .. ببركته وبركاتهم ..
أنا حكيت ما كان قصدي اجرح حدا ..وبعدين انا قصدت بالجهل حالة اللي بتكون متطرفة جدا بسلوكها تجاه الاضرحة والمقامات..
ازا جينا عل التجريح والمساس فـ معلش منك انا ما قلت عن ابناء طائفة انهن ومبادئهن غلط او انهن مذهب واهي متلا..