[quote=passerby_intime;1119485]والله إذا شي بيحرز منتعلم الصربوكرواتية وغيرها مثل ما تعلمنا الإنكليزي والفرنسي لأجل عيون مطرباتهن ومطربينهن وحياة الله وعم اتعلم اسباني بهالإيام منشان ما يفوتني شي من كلمات الأغاني الإسبانية يلي صار يطلع منها روائع هالإيام
وبانتظارك يسلموو
.
لك على راسي والله يا ملك >> لو كان بإيدي كنت سعيت لك تصير ملك اليونان والغجر كلهن بس مؤقتا رح أسميك ملك الأغاني الغجرية واليونانية البديعة
.
أخي غزوان صدقني الجمال هو جمال الروح ولما بيطلع مع الإنسان شي حلو بيكون ما في أجمل منو لأنو حتى رب العالمين بيطلع على الأعمال مو على الأشكال
يعني لو كانت حلوة كثير وقلبها أبرد من طين الشتي شو نفعها ؟ مثلها مثل الصورة على الحيط فرد شكل >> لذلك أهم شي الروح وما ينجم عن الروح ومثل ما قالو بالأمثال أهل أول الحلو ما بيكمل دايما ... بس يمكن يكمل أحيانا.
.
روح الله يعطيك ألف عافية ويوفقك ويجوزك واحدة مثل هالمطربة
ومنكمل بعد الإفطار لأنو أمي أجاها تلفون مستعجل من خالتي وراحت وتركتني بالبيت هلئ لوحدي وهاي فرصتي يلي كنت عم استناها من زمان إنو إفلت بالمطبخ لحالي حتى أجرب كتب فن الطبخ يلي نزلتها بموضوعي في المكتبة
مجموعة كتب عن فن الطبخ
http://www.akhawia.net/showthread.php?t=108861
بلكي بصير طباخ عالمي كمان وبشتغل بفندق من فنادق الخمس نجوم وخود على طبخ ونفخ وغناء ورقص
.
[لا الله يخليك لا ملك ولا من يحزنون غزوان وبس وحظ موفق بالطبخة واذا كانت فتة بزيت والله اكبر كل عني وعنك e
فانا محروم من هل الاكلات هون