اقتباس:
كاتب النص الأصلي : ليلى
studen plamak (اللهب البارد)
اللهب اللي بعيونك...النار اللي بصدرك...صار بارد
بتعرف اديش بحزن و بتألم...
انا و انت ختمنا حبنا...
لا لا تلمسني بايديك المتجمدين من البرد
كيف اوقف اليوم حزني... و اخفي ورا ابتسامتي دمعتي
و الوحدة بقلبي...
وداع ... و نتهيدة مخفية تسقط و تطير...
وقف تنفسي
يمكن صار وقت كل واحد منا يروح بطريقه لوحده...
انا و انت ختمنا حبنا...
|
يا إله السموات
كلمات روعة فعلا والأروع من هيك إنو الملحن واحد عبقري جدا لأنو خلاني أحس بمعاني كلمات الإغنية من اللحن وحدو قبل ما أعرف معاني الكلمات لأنو عن جد كنت حاسس أنو المطربة عم تتألم وتعاتب وفي شي مصيبة عم تعانيها
اقتباس:
كاتب النص الأصلي : ليلى
onzi fatalen den (في اليوم الغريب )
في اليوم الغريب...لما قابلتك
صار فيني شي مو طبيعي
عقلي يهمس: ابعدي عنو
بس قلبي بدو غير شي
روحي تبعثرت
و الحب مرضني
بدي ياك انت بالزات
و بدي ياك متل ما انت
متل الجنون بدون دوا...
دخل بدمي...
عرفت اسمك الحقيقي هو ( الحب )
في اليوم الغريب...لما قابلتك
ما كان عيد ميلادي... بس حسيت هيك
شي ولد فيك و فيني
و وعدني بـ حب جنوني...
|
يا سلام عليكي يا ليلى وعلى ترجماتك يلي بتاخد العقل
هلئ هيك خليتيني إعشق هالأغاني البلغارية يلي عطيتينا ياهن عشق أبدي مالو حدود لأنو الكلمات في الأغاني الثلاثة متطابقة تماما مع اللحن والإيقاع وأحاسيس المطربة في كل إغنية فيها انسجام بديع مع كلمات الغنيية ولحنها وإيقاعها
لازم نبعت الملحنين يللي عنا يروحو يعملو دورة طويلة كام سنة عند هالناس حتى يتعلمو منهن أصول التحين والغناء
بهالترجمة أنا صرت ملك إيديكي يا ليلى>> أنا من إيديك هاي لأيديك هاي .. أنتي أمري وعلي التنفيذ شو بدك لأهديكي مقابل هالأعمال الترجمية الجليلة أنا جاهز وحياة يلي خلئك إنتي فعلا سوبر ستار
اقتباس:
كاتب النص الأصلي : الكرواتي
واسمعوا ياأخوتي بأول اشتراك لألي هاي الغنية الصربية للمغنية (seka aleksic) على هالرابط
http://www.youtube.com/watch?v=m_NZ393F7C8
بس المشكلة عندي ياهون عاللابتوب ومابعرف اشلون انزلون عالنيت اذا عندك طريقة قليلي
|
لك ميت ألف أهلين خيي ويسلم ايديك ويعطيك ألف عافية
وبالنسبة لتنزيل الأغاني على غير موقع سهله كثير كثير
1- ادخل على موقع 4shared.com ( فورشيرد دوت كوم )
2- سجل بالموقع > حط بريديك الإلكتروني وكلمة السر
3- اضغط على وصلة ( link ) اسمها My Shared بتصير بصفحة خاصة بك وبتلاقي مكان لتحميل الغنية بأسفل الصفحة فقط استعمل زر Brouse منشان تدل البرنامج وين غنيتك على جهازك وهو بيئوم بالباقي
4- بعد ما يخلص تحميل بيعطيك لحالو رابط الغنية يلي حملتها انسخو وعطينا ياه
هاي هي كل الشغلة وإذا ما مشي الحال معك راسلني على بريدي الإلكتروني منشان أرسل لك ملف كامل مفصل بالصورة خطوة خطوة يشرح العملية من أولها لآخرها
ولعيون ربك يا أحلى كرواتي
نورت الموضوع إنته وأغانيك يلي يظهر عليها أغاني روعمة كمان
.