[i m sam]

كاتب النص الأصلي : ابو ريتا

انت صرت هون بموضوع بيتعلق بعلم السيكولوجيا ، يعني علم النفس
وفعلا في نفوس مريضة بحاجة لعلاج ، بالنهاية المنحى التربوي الي عايشو المجتمع العربي نسبيا أفضل من كتير مجتمعات ، هاد رأي .
وماضل عندي شي ، وبتشكرك على الموضوع وبقول انا مع تحسين هي الثقافة .

ماهي هون المشكلة يا ابو ريتا انو أغلب هي الحالات مو مرض هي جهل
او بتبدا جهل لتصير مرض .
لهيك لازم تتدرس الامور الصحيحة. سامحني عالمداخلة ابو ريتا
بالنسبة للموضوع
يعني بالنهاية الكل بيعرف انو الكل بيعرف عن هالشي بغض النظر عن طريقة معرفتو. طيب ليه ما تكون المعرفة دقيقة صحية صحيحة بتامن مستقبل احسن
سمعت مقولة مرة سامحوني فيها بس لازم قولها " الفراش الدافئ يحل أكبر المشاكل"
واذا منرجع لكتير مشاكل زوجية بتلاقي انو أصلها عدم رضى أحد الطرفين بهاد الموضوع. يعني هيك ثقافة أنا برأيي بتحل كتير مشاكل وطبعا هي مشاكل أنا لامسها عند كتير ناس يعني بتسمع مشاكل بين الازواج تافهة تؤدي للطلاق مثلا ما بتغسل ما بتشطف منيح ما بتعرف تطبخ منيح ما بتهتم بحالها ما بيبتسم لما يفوت عالبيت وووو واسباب ربما اكبر لكن هالموضوع بغطي على كتير عيوب وكتير مشاكل بس اذا رجعت للاساس بالفعل بتلاقي السبب من هنيك وحتى في بعض الحالات بتأثر على عطاء الشخص بعملو رجل كان أو امرأة..
هاد الموضوع هو موضوع حياة تانية وغريزة وفطرة بالانسان العلم عطاها مجال واسع والدين عطاها مجال واسع وفصلو فيها واذا ما عرفنا نتعامل معها بالشكل الصحيح بتصير مدمرة
سا محونا عالاطالة