جربت اكتبلك غنية عاطفية
ما طلع بايدي
انا جربت وحياتك
ضحكو الكل عليي
القصة مش بايدي
يا اختي القصة كبرت
ما عاد فيي حب
قصة وعي سياسي
مش قادر اني حب
حبي هوي الجماهير
وغرامي القضية
صيري انت الجماهير
والفئات الشعبية
لاكتبلك غنية
اطلعيلك شي مضاهرة
واكتبيلك شي بيان
اعملي اضراب مطنطن
وبضهره اعتصام
اعملي خطة مواجهة
اضربي عن الطعام
صيري انت الجماهير
والفئات الشعبية
لأكتبلك غنية
احتليلك شي سفارة
انسفيلك شي مطار
اعملي لجنة وطنية
افتحيلك شي حوار
صيري سلطة شعبية
ارفعيلك شي شعار
صيري انت الجماهير
والفئات الشعبية
لاكتبلك غنية
خلي متاريسك تعلى
تعلى فوق المتاريس
لا تخافي من الملاحقة
لا تخافي من البوليس
لا تخافي ان هددوكي
قتل وضرب وتحبيس
صيري انت الجماهير
والفئات الشعبية
لاكتبلك غنية
جربت اكتبلك غنية عاطفية
ما طلع بايدي
انا جربت وحياتك
ضحكو الكل عليي
القصة مش بايدي
يا اختي القصة كبرت
ما عاد فيي حب
قصة وعي سياسي
مش قادر اني حب
حبي هوي الجماهير
وغرامي القضية
صيري انت الجماهير
والفئات الشعبية
لاكتبلك غنية
غنية عاطفية
كلمات زياد
بيجوز تغنيا فيروز ب الله كبير ماحدا بيعرف
