بحبك .. ما بعرف ليش وما عاد كتير يهمني
اخي بعرف انو حبي ألك ما منطقي .. بعرف انو إذا رح قيس الأمور بعقلي ... فأنو البكرة ما كتير بصالحنا
وكمان ما عم يهمني
اللي بيهمني أني وقت بكتب عنك .. بعشق اللي عم اكتبو .. انك وقت بتقلي كلمة حلوة بقدر عيش عليها شهر فرحانة .. بعرف أنو فيي ابكي عنك .. وافرح إذا سمعت صوت ضحكتك ..
اللي بيهمني انو وانت بعيد اقرب من كل اللي حواليي .. وانو أنا كنت حس اني تعجيزية بصفات الشخص اللي ممكن حبو .. ووقت تعرفت عليك  كنت أكبر حتى من كل احلامي
بعرف .. أني بحبك .. وبعرف انو حبك عم يغيرني .. عم حب حالي اكتر بس لأني بحبك
لك حتى اخطائك صرت حافظتا .. وبحبا ..
لك بحبك ..
|