صار له رمضان 15 يوم والجامعة ما بلشت
وبالتالي انا شفت الجانب الحلو من رمضان
برامج مسلسلات ضحك وتسالي وسهر على ال 24
بس اليوم مع اول ايام الجامعة شفت الجانب اللي ذكرني ليش انا بكتئب من هاد الشهر
خيو بتقعد مع واحد او بتسلم على واحد
بيفتح لك تمه
ما بتقول انفتح كهريز
اليوم صار معي هاد الموقف مع شوفير التكسي
الزلمة مركب وماشي وكل شي تمام
ما بعرف شو اللي حكى بس اللي بعرفه انه بعد ما حكى الريحة هفهفت وقلبت معدتي
الكلمة الوحيدة اللي طلعت معي هي " على اليمين معلم "
الزلمة استغرب لأن ما كان صار له ماشي 20 متر
فقلت له يا زلمة قلبت معدتي وقدراتي الانسانية البشرية والفيزيائية ما عادت تستحمل هيك ريحة
انه يا زلمة الله على العين والراس
بس طالما عبيفرض عدم " تفرشي الاسنان " يقعد هوي يشم الروايح
انا شو ذنبي اشم الروايح هي والله يندعى له بالخير ؟!
شو الخير تبع الله حيكون على حسابي مثلا ؟!
رايحة تزور
كوخ مسحور
|