شو هالروعة وشو هالهدية البديعة
والله ياليلى رح تصيري للجود والكرم عنوان
أغانيكي وترجماتك حلم من أحلام كل فنان
ماشاء الله عليكي وعلى ذوقك ونشاطك كمان
ولسه
استني علي شوي والله لأقول شعر فيكي وبلطفك وإنسانيتك
يا ليلى يا وردة بأول ربيعه
القلب داعيلك بكل ود وحنان
عرفتيني على مطربة فظيعه
لأ مو بس هيك وفوقها كمان
ترجمتيلي غنية معانيها روعه
وما بيعمل هيك مين ما كان
ريتو الله ربي بسماه الوسيعه
يحميكي من شر الإنس والجان
ويبعد عنك أي أذى وكل خديعه
ويصون روحك من غدر الزمان
وتعيشي دايما حياة هنيّة بديعه
وما تزعجك لو كلمة من إنسان
اقتباس:
كاتب النص الأصلي : ليلى
|
الأغنية الثالثة لصوفي مارينوفا يلي أعطيتينا إياها Onzi fatalen den توزيعها الإيقاعي قمة من القمم والإنسجام بين وقع كلمات الغنية مع الإيقاع شغلة رهيبة يلي عزفها ايديه فخمة
والأغنية كلها على بعضها روعة بروعة
ذوقك عالمي رفيع المستوى في الأغاني
كنت رح نزل أغنية ثالثة منشان إسألكن عليها بس لما سمعت هالأغاني صارت باهتة بنظري لأنو ما عاد إلي نفس إسمع غير هالأغاني على الأقل بهالفترة وقلت لحالي يمكن كمان بقية الأعضاء رح يشعروا نفس الشعور
.