اقتباس:
كاتب النص الأصلي : ليلى
|
الغنيتين كل واحدة أحلى من التانية
الأحاسيس عم تتفجر من غناء المطربة مثل البركان ( كأنه فيها شيء من غناء الغجر)
أغنية studen plamak كأنها عم تعاني وتعاتب فيها حدا
أغنية أوبيتشام obicham فيها شجن أكثر ومبدئيا ملت إلها اكثر
بس الواحد بيحتار أي واحدة أحلى من التانية
ذكروني بأغاني فيلم ( الغجر يصعد إلى السماء) يلي فيه سبع ثمان أغاني فيها سحر خاص كمان ما بينتسى وبقيت سنين عشقان تلك الأغاني من لما كنت بالثانوي لوقت ما تخرجت من الجامعة أسمعهن كل يوم ( كانوا على شريط فيديو كاسيت Bitamax)
على كل ما رح أعطيكي رأيي النهائي مين احلى بيناتن للغينيتن البلغاريات إلا بعد أسبوع بعدما أسمعهم كل يوم مرتين تلاتة ويلي ما بمل منها بتكون هي خياري
الله يعطيكي العافية ويسلم إيديكي ذوقك حلو كثير
اقتباس:
كاتب النص الأصلي : ghazwan72
|
الأخ غزوان
يا عيني عليك ما أروعك
يارجل جبتها ومو شلون ماكان جبتها بفيديو كمان
روح الله يريح قلبك ويحلي إيامك شو هالحلاوة وشو هالكرم
الله يلعن الشيطان والله حاسس إني ظلمتك كثير كثير وماني عرفان كيف بدي إعتذر منك والله فكرتك عم تأرئ علي بأول تعليق إلك منشان الله سامحني
بس إلي طلب أخير منك ( تحملني) أنا قدرت أفهم من الكلام المكتوب باليوناني داخل الغنية اسم سوتيس فولانيس Sotis Volanis (باللغة اليونانية) وفوقه كلام يوناني بس ما عرفت إذا كان قصدهن تلحين فقط وإلا غناء وتلحين مع بعض
يعني يلي عم يغني هو نفسه سوتيس فولانيس Sotis Volanis ؟
ياريت تكتب اسم المطرب بالعربي معلش بكون ممنونك كثير
(
ملاحظة للجميع الملف الذي أعطانا إياه الأخ الكريم غزوان هو ملف avi وما فتح معي إلا ببرنامج RealOne Player فقط )
.وألف شكر إلكن إنتو التنين
.