اقتباس:
كاتب النص الأصلي : SOURAQIA
وائل قبل ما يستلم زيد فقرته والله يعينك من هلق ( عم بمزح) اساسا لولا زيد ما بعرف شو كان صار
المهم سيدي
من ديموزي وصلت هالاسئلة
1- ما هي خلفيتك الدينية (أيام الطفولة و المدرسة، الخ)؟
|
الاسلام هو خلفيتي الدينية منذ أيام الطفولة -بالرغم مما تثيره هالكلمه من خواطر خاطئة أحيانا-
اقتباس:
|
2- هل لديك قانون شخصي للأخلاق؟ (مثال: ما تحب أن يفعله الاخرون لك، افعله بهم)
|
لا, الأخلاق هي قانوني الشخصي..-اي انا بعتقد بوحدة الأخلاق وبتبناه وماعندي تفصيلات خاصة للأخلاق-
لأنو وقت بدي اعمل شي غير أخلاقي بزيح الأخلاق عجنب عادة!
اقتباس:
3- ما هو موقفك من مسألة
أ) الاجهاض
ب) الابحاث العلمية بخصوص التناسخ
ج) موانع الحمل
د) الجنس خارج اطار الزواج
|
أ- الإجهاض جريمة قتل..
ب-التناسخ؟!!.. إذا بتقصد الاستنساخ.. فهو تطور علمي.. متل الديناميت.. استخدامه المفيد أو العاطل راجع للإنسان.. شأنه شأن كل تطور على الأقل!
اقتباس:
4- هل لوجهتك الدينية او الفلسفية اسم معين تفضله؟ ما هو؟
(أمثلة، ملحد، لاديني، لاأدري، مسيحي، مسيحي كاثوليك، سني، شيعي...)
|
هلئ أنا مابحب لعبة الأسماء..
سميني روحاني!..
اقتباس:
|
5- إلام تعزو أفكارك الدينية/الفلسفية و النتائج التي توصلت إليها؟
|
إلى الفطرة!. الوسط اللي أنا عايش فيه.. بقصد أهلي.. أسرتي بالدرجة الأولى بعدين عائلتي بمفهوم العائلة..
ماكان إلون الفضل بعدم التأثير عليي بأفكارن فحسب.. بل بانفتاحن لمناقشتي بأي فكرة أو حدث تاريخي,
دينيا أو فلسفيا..
اقتباس:
|
6- أجب بصدق: هل مررت أو هل تمر بمراحل تشك فيها بمعتقداتك الدينية و الفلسفية؟ هل يحدث هذا مرارا؟
|
طبعا, مررت بمرحلة يقين! أكتر مو شك.. أو الشك لليقين. من ناحية الوجود هاجس الإنسان, ومن ناحية نحن عايشين بمنطقة بتحرضك تقرا التاريخ.. من هون بتبلش تتشعب القصص وتتنوع.. يعني فيك تقول أنا راجعت كل مافي ذاكرتي من أفكار و أحداث ودققتا وكبيت 90% بالبداية ورجعت بلشت من جديد لأعرف وين الله حاططني!.
وطبعا بنيت منظومة للتفكير.. بترشح كل شي بسمعو أو بقراه.. وبتحط كل شي بفوت بمحلو..
اقتباس:
|
7- هل أنت على نفس الدين/الفلسفة التي وُلدت عليها؟
|
قلتلك اي, بس على نظافة.. سبق وذكرت ليش..
اقتباس:
|
اذا كان الامر ليس كذلك، كيف تصف مشاعرك حين غيرت معتقداتك؟ خوف، فرح، قلق، ارتباك... ؟
|
سعادة وارتياح..
اقتباس:
|
8- سم أهم ثلاث كتب في حياتك الدينية/الفلسفية من ناحية تأثيرهم عليك و على أفكارك.
|
مافي كتاب بيعطيك طريقة تفكير.. لكل ماقرأت فضل بتكوين أفكاري وبلورتها.. كل بموضوعة وطبعا بنسب..
اقتباس:
9- سم أهم شخصية تاريخية او معاصرة غيرت نظرتك بالنسبة لفلسفتك الشخصية او الدينية.
ملاحظة: يُرجى استثناء محمد و المسيح، و إلا ستكون جميع اجابات الدينيين متشابهة.
|
بالواقع كل الشخصيات اللي عرفناهم أو قرينا عنن بأثرو.. بما فيهم الأشخاص العاديين أو الغير معرفين..
فما بعتقد في أهم..
اقتباس:
10- هل تجد أفكارا جيدة او بناءة في دين او فلسفة مغايرة و مناقضة لك؟
مثال: اذا كانت ملحد، فهل هناك عبارة او فكرة في الانجيل او القران تعجبك؟
و اذا كنت دينيا فهل تجد فكرة او عبارة إلحادية او علمانية تعجبك؟ الخ.
|
لا يخلو الأمر.. إذا دققت النظر بتلاقي كل الفلسفات.. بتشترك بالأخلاق والدعوة إلى الأخلاق مع شغلات تانية..
بتبقى هون شغلة الأخلاق متل الجزرة!...
اقتباس:
|
11- كيف تصف موقفك السياسي؟
|
لا موقف سياسي لي!!..أنا مع الأخلاق.. والضمير أينما وجد!
اقتباس:
|
12- اذا كنت ممن غيروا دينهم/فلسفتهم، فهل قمت بإعلان ذلك على الملأ؟ كيف كان موقف الناس منك؟
|
لم يحصل, وإن حصل فما حاجتي للإعلان إن كنت سأتصرف وفقا لمعتقداتي!
بشوف الدعاية والباطن شغلات متناقضة!! ولا شو؟!
اقتباس:
|
13- هل أنت متزوج من شخص لا يشاركك الدين او الفلسفة الشخصية؟ كيف تصف علاقتكما؟
|
لا
اقتباس:
14- هل تؤمن بأمور فائقة للطبيعة؟
مثال: العرافين، ذكريات حياة سابقة، أشباح، رجال فضاء و صحون طائرة، الابراج، الخ.
|
جزئيا
اقتباس:
|
15- ما هو رأيك في الموت؟ هل تؤمن بالحياة الاخرى او بالتناسخ؟ أم أن الموت نهائي؟
|
بداية جديدة,نعم
عالهامش//ذكرتني ببقعة ضوء "راحة"
اقتباس:
|
16- اذا كنت تؤمن بإله، فما هو هذا الإله؟ هل هو شخص أم طاقة أم أنه هو و الكون واحد، الخ؟
|
بشوفو بكل شي بس مانو شي!..
اقتباس:
17- اذا لم تكن تؤمن بوجود إله، فما هو الإله الأكثر إحتمالا بنظرك؟
مثال: إله يرسل من لا يؤمن به الى الجحيم، أو طاقة عمياء، أو إله محب جدا لا يهتم بالدين و يرسل كل الاشخاص الجيدين الى الجنة بغض النظر عن ايمانهم... الخ.
|
سبق وجاويتك
اقتباس:
|
18- ما هي وظيفتك الحالية؟ ما هي الوظيفة التي ترغب بتجريبها غير وظيفتك الحالية؟
|
أشغل وظيفة طالب, وآمل إنو غيرها لأي شي