اقتباس:
كاتب النص الأصلي : الباشا الاحمر
يا سيدي انا ضد النظام اللي بتحكي عنو وانا مع الحرية بس احنا بنحكي عن شيئ مستقبلي وممكن يكون مجرد حلم لا اكثر ولا اقل واذا بالمشمش زي ما بتقول يبقى في امل ولو بسيط وتقبل احترامي
|
طيب هلأ انا خليني أحكي بمنطق شوي ويا ريت لو تناقشوني في هيك قصة
قرار 194 الصادر عن الجمعية العامة لهيئة الامم المتحدة في تاريخ 11 ديسمبر 1948
الفقرة 11 منو بتحكي التالي :تقرر وجوب السماح بالعودة في اقرب وقت ممكن للاجئين الراغبين في العودة والعيش بسلام مع جيرانهم ووجوب دفع تعويضات عن ممتلكات الذين يقررون عدم العودة الى ديارهم وعن كل مفقود او مصاب بضرر عندما يكون الواجب وفقا لمبادئ القانون الدولي والانصاف ان يعوض ذلك الفقدان او الضرر من قبل الحكومات والسلطات المسئولة "
جيرانهم هنا المقصود فيها اسرائيل كأمر واقع طبعا ً طيب انا لاجئة في غزة واصلي من بئر السبع مثلا او لاجئة في لوكسمبورج واصلي من المجدلاحكيلي كيف بدي ارجع على فلسطين في ظل حل الدولتين ؟ اسرائيل بدها تسمحلي ارجع على بئر السبع؟هذا الحكي ازا بدو يصير لازمو حل دولة واحدة وهذا الطرح مرفوض من الكل الا من رحم ربي من المثقفين الفلسطينيين والاسرائيليين على حد سواءوبعدين هدول اللي بيبعبعو على حل دولتين وانو تكون فلسطين غزة والضفة واللي راحو على مؤتمر الخريف ناسيين اشي كتير خطير انو الفلسطينية اللي باسرائيل راح ينتقلو من "بلادهم الاصلية فلسطين" الى الضفة وغزة يعني هيك اسرائيل بدها يعني هلا لو انتا عايش وراء الخط الاخضر راح تكون مخير يا تضل بفلسطين المحتلة او تروح تتنعم بالاستقلال في دولتك "غزة والضفة" واللي سلطة الفلسطينية عليها وهمية بطبيعة الحال الاهبل بيعرف انو الفلسطينيين بيحكموش على اشي لا معبر ولا حتى بلدية محلي
انا مش مبسوطة كتير وانا بحكي هالكلام بس هادا واقع فارض حالو علينا فرض
انا طبعا بتمنى فلسطين تتحرر والفلسطينيين يستقلو ويبنو دولتهم بس بيني وبينكو لسا بدري يعني بعيدا عن انو فش توازن قوى ولا لواحد في المليون بينا وبين اسرائيل
لسا بدري على الفلسطينيين يتحكمو بحالهم لسا بدهم شغل جامد على عقليتهم ونفسيتهم وأخلاقهم وكل كل كل اشي بيخصهم
الله يغير هالحال...بس
كَمْ كُنّا ملائِكَةً وَحَمْقــَىْ حِيــْنَ صدّقنْا الخُيوُلْ وَحيْنَ آمَنّا بأنّ جَنَاحَ نَسْرٍ سَوْفَ يَرْفعُنَا اِلَىْ أعْلى.