أخوية ... !!!؟
اقتباس:
|
كاتب النص الأصلي : SelavI
تعالو نفترض لو لم يكن هنالك انترنت
ولو لم يكن هنالك كمبيوتر اصلا
يا ترى هل كانت اخوية لتكون . . .
ما رأيك
|
بتقصد .. كتجمع او حركة ..
إذا هيك ممكن ..
بس أكيد مارح تاخد نفس الشعبية اللي آخدتها هلأ ..
أو حتى نفس عدد الأعضاء اللي فيها هلأ ..
يعني أخوية .. بتقرب المسافات ..
بتقرب الأفكار .. بتجمعها بقالب واحد ..
بتحسنها ...
بتضيف عليها ..
متل أم العيلة ..
بتجمع عيلتها ...
بتحاول تحسنا ..
بتحاول ترتقي بمستواهن ..
بتنبه عالخطأ والصح ..
هي أخوية ..
أخوية مو بس مواضيع وتعليقات ..
أخوية هيي جسد ...
ونحنا الدم ..
والمشرفين هني الروح ..
وصاحب أخوية هوي القلب ..
وطالما القلب عم ينبض ..
الدم عم يتحرك ..
والروح حاضنة الجسد ..
وأي عنصر من هدول لما بيختفي ..
مابقى في معنى للجسد ..
انشالله بتبقى أخوية ..
انشالله بيبقى الدم يمشي ..
رغم قساوة الشرايين .. رغم تجلد الأوردة ..
اقتباس:
هل كانت لتنجح في ايصال الافكار والذي ربما هو الهدف . . . بشكل فعال اكثر
ام انها كانت لتموت منذ طلعتها
|
هلأ إيصال الأفكار .. ممكن .. بس موبنفس الحرية ..
وحتى مو بنفس الطريقة ..
يعني في شغلة مو منتبهين عليها يمكن ...
هلأ لنعتبر انو اجتمعنا بقعدة مباشرة .. من دون نت ..
مثلا حكينا حديث ..
اوكي .. انحلت مشكلة ..
حتبقى المشكلة وحلها .. محصور بالجماعة اللي حضرت الإجتماع ..
أما هون بأخوية .. وبواسطة النت ..
الكلمة اللي بتنقال .. بتبقى ..
بنتحفر بالصخر ..
بتنحفر بالقلب ..
وبتنزرع بالعقل ..
يعني بالمختصر ..
هون التأثير دائم .. وأعم ..بالإضافة إلى أنه سهل ومختصر وواضح ..
عوضا عن وجود مواضيع لايمكن ان تتخيل نفسك تلقيها ضمن أي جلسة أو محضر ..
إما لأنك لاتملك الجرأة .. أو لاتملك الخبرة والمعرفة اللازمة لسرد المعلومات بالطريقة السهلة والواضحة ..
او حتى ضمن القالب الذي نراه بأخوية ..
اقتباس:
ترى هل انت ذاتك ونفسك. . وراء ذاك الحاسب دون تصنع
ام انك مجرد شبح يجلس ويناقش . . . جريء يطرح افكار جريئة ويؤيد الافكار الجريئة
وعندما يخرج من تلك الصفحة (اخوية)
في اول موقف يحصل معه ربما في منزله. . يناقض كل ما كان يوهم نفسه او غيره به عندما كان هنا
او حتى ينسى ما ذكر
|
هلأ بالنسبة إلي ..
أي انا هوي الشخص ..
بالأفكار وبالتطلعات ..
بنقاشاتي وبجرأتي ..
بجديتي ..
وحتى بمشاعري تجاه بقية الأعضاء ..
أما شكلي وطريقتي :
مابتبين اللا للي بيعرفني من الحياة العادية أو من رفقاتي المقربين على النت ..
.
.
وخارج النت ...
كمان هادا أنا ..
نفس الأفكار ..
بحب غير ..
بحاول أعمل شي ..
بس للأسف بلاقي المجتمع اللي حواليي سخيف ..
صعب تقعد تقللو .. لازم نعمل هيك ..
والمستقبل كذا كذا ..
يعني صعب نقعد نفتل بين العالم لنلاقي مين يسمعنا أو يتناسب عقلو مع عقلنا ..
أما هون بأخوية ..
ف في فرصة للتغيير ..
لأن لمن بطرح موضوع ..
أكيد مارح يفوت عالموضوع غير اللي مهتم فيه ..
وهيك بكون حققت الفائدة المرجوة ..
وبكون عرفت انو في مين عم يسمع .. مين عم يقدر ..
مين عم يساعد ..
لنقدر نتصور المستقبل ..
مستقبل كتير منحلم انو يكون متل مامنتصور ..
مستقبل اللي بشوفو من ورا الأخوية ..
.
.
.
هلأ بالنسبة لغيري ..
حتى لوماكان فكرو ونقاشو ومواضيعو بتعبر عنو وعن شخصيتو ..
يعني مثلا كان عم ينزل موضوع أكبر من تفكيرو ليبين صورة حلوة عنو ..
مانا شغلة سيئة .. انما خطوة نحو تطوير التفكير إلى الأفضل
يعني حاول يعمل تغيير بفكرو .. ولو انو ماهيك بيفكر ..
بس بيحاول يقنع الآخرين انو هيك تفكيرو ..
وبعدها تلقائيا .. بتصير هوي نفسو يقنع حالو .. انو عنجد هيك انا بحب قكر .. وهيك بحب كون ..
اقتباس:
ايهما اجمل الانترنت
ام تلك الجلسة
ايهما اكثر تأثيرا . . .
ما هي سلبيات وايجابيات كلا من الفكرتين. .
|
هلأ متل ماسبق وقلت ..
الجلسة .. بتقدر تعبر فيها عن وجهة نظرك بطريقة مباشرة ..
بس لوقت مؤقت .. يعني الأفكار والمناقشات بتبقى محتجزة ضمن إطار الإجتماع والجلسة ..
مابتستمر لبعدين إلا على صعيد هالكم فرد اللي حضرو الجلسة ..
بس إيجابياتها ..انو لمن بتنحكى كلمة .. بتنفهم صح ..
يعني مثلا لو قلت هلأ : يالله .. موضوع غير شكل ..
فرضا .. انتا كيف حتفهمني هلأ ..
هل أنا عم اتمسخر .. هل عم امدح الموضوع .. هل عم ذمو ..
هون الفرق ..
بس النت بيعوض عن هالشغلة .. بشغلة السمايلات .. واللي بأغلب الحالات بتوصل الفكرة ..
.
.
.
دمتم ودامت أخوية 
THE,unforgiven " ,,,
اشلاء محطمة ..
افكار مشتتة ..
مشاعر هائجة ..
و ..
كبرياء متواضع ..
هذا بعض من جنون .. رجل المطر ..
.
.
سنفهم يوماً ما .. أهمية مالم نفهمه يوماً ..
----
Unforgiven ..
|