اقتباس:
من قبل مين؟ ليش عنا من هاد؟؟
فعلا شي غريب انو يحذفو مقطع من مسلسل يطلع ألف مرة بغير قنوات, و بكل البيوت تقريبا صار في ستالايت... يعني أبعرف.. متل اللي بدو يركّب حنفية لنهر الفرات...
|
لو حاول أعلامنا وبقنوات مستقلة ما في يتحرر من القيود
عنجد شي غريب
اقتباس:
كاتب النص الأصلي : The morning
بتخيّل الاعلام عالميا و بصوره عامّه وصل اليوم لوقت الفرس المروّض فيه عم يثور اي يعني الامور بلّشت تخرج من ايدين الرقابه اذا صح التعبير ..
الانترنت و الفضائيات و غيرو و غيراتو من وسائل الاعلام المتتطور و هون بتجي مقوله الباب اللي بيجيك منو ريح سدو و ستريح لتشتغل شغلها فبتقوم الدوله بحجب المواقع الغير قادره على انها تحط رقابه على معطياتها و بتشيل من المسلسل مقاطع من هون شوي و من هنيك شوي بحيث انّو اكيد في كم الف بني ادم رح بيحضرو هالمسلسل على القناه السوريه و بهيك بتكون المصيبه صارت نص مصيبه و بالتالي الكم الف اللي شافو المسلسل على قناه تانيه بكونو من ضمن الكم الف اللي ما عم يقدرو يفوتو على المواقع المحجوبه و الكم الف اللي عم يفوتو على المواقع بكونو غير قادرين يوصلو لشي تاني و هيك بيكون الحمل اخف بحيث انّو مش الكل عم يوصله كل شي ..
عرفتي عليّ شلون  ؟ |
اي عرفت شلون
بس الأغلبية المواقع المحجوبة عم يبحثولها عن طريقة لفك الحجب
والمسلسلات يلي ما عم تنعرض عنا صارو يدورو عليها أكتر عغير قنوات
وصارت النتيجة عكسية تماما
اقتباس:
كاتب النص الأصلي : بيب بيب انا جيت
غريب انو ماتعودتو على هل القصص السنة الماضية منع ياسر العظمة من مسلسو الشهير مرايا بسبب حلقة قلد فيها الرئيس بخطابة بالبرلمان وتحدث ساخراً عن التطويث = التطوير ... وع القنوات التانية عرضت ، وبشكل دائم بيحذفو الشي الي مابيعجبهم او بيطعج خاطرهم ، بس بعد سنة او اكتر بتلاقيهم عرضوها لانو الشعب كلو دري فيها وشافها
التاريخ عم يعيد نفسو مسرحية كاسك ياوطن منعوها بس دريد لحام عرضها ب أبوظبي
|
اي الغريب أنو صعب الواحد يتعود عهيك قصة
وشغلة مرايا ما دريت فيها هي أول مرة بسمع مع أنو الكل مستغرب أنو ليش ما انعرضت
اقتباس:
كاتب النص الأصلي : باشق مجروح
كل ممنوع . مرغوب . وشعبنا كتير بيركض ورا الممنوع لحتى يشوف ( ليش و لـ شو بيرمز حتى انمنع ) ولحتى يتهرب من الرقابة ومقص الرقيب الي مفروض على تفاصيل حياتو . هل من الممكن ان الرقيب انسان ساذج الى حد لا يعلم به انه بمنعه يحصل على نتيجة مغايرة تماماً لما يشتهي .. ألا يعلم انه يلفت نظر الناس الى قضايا قد لا يعير لها احد اهتماماً.
|
أي تمام وأنا هيك قلت
اقتباس:
كاتب النص الأصلي : SOURAQIA
ليش اسمهان عم يطلع عنا علقنوات السورية ؟
هوي بالاساس محسن بلال قال انو ما بينعرض قال لانو مشوه لعيلة الاطرش
مع انو يللي كتبه واحد من العيلة
|
وفي فنجان الدم ما عرض نهائيا
كمان ومسلسل تاني لرشيد عساف تم إيقافو بعد قبول الرقابة بسبب تدخل أحد أمراء السعودية