اقتباس:
كاتب النص الأصلي : بنوتة حلب
انا بعتقد انو رح يرجعو بعمروها بنفس المكان
لانو مرة قريت انو مركز الكعبة هو مركز الجاذبيه الارضية
لكا ليش بيقلولنا صلو باتجاه القبلة
لانو شو في شحن كهربائية فائضة عن جسم الانسان بتتفرغ بالارض
|
هلق انتي من حلب .. يعني بتعرفي بحلب اكتر مني بكتير كوني مهاجر عن ديار الوطن العتيد العظيم " شي متل الكذب الحكي بعرف ما حدا يقول لي "
هلق لو عبتحكي على انه ابو عبدو الفوال اللي بالجديدة هوي مركز الجاذبية الأرضية بقول معك حق
انا شخصيا بأكد على هاي المعلومة .. مافي مرة طلعت من ابو عبدو الا وحسيت حالي اقرب للارض وتقلان جسمي " عين الله عليه فولاته بتزيد جاذبية جسمك وهاد حكي علمي لا غبار عليه "
بس انه تقولي لي الكعبة مركز الجاذبية فيها وجهة نظر بس بدك تحددي شو نوع الاكل اللي ببيعوه هنيك يعني فلافل .. فول بطحينة .. يعني القصة منافسة كون ابو عبدو حاليا متصدر بلا منازع بس انتي هلق قدمتي منازع فاذا كان المنازع على قد الحمل والتقل يعني الجاذبية بمعنى آخر بعتقد ابو عبدو زلمة كتير ديمقراطي وعنده كتير انفتاح على فكرة المنافسة الحرة فبحكي لك معه يا اما يتنحى عن اللقب يا اما يتقل من فولاته اكتر مشان يرجع يدخل على المنافسة
بس انه ليش بصلوا المسلمين على الكعبة .. اما عندي فكرة
بحبشت لك على الانترنت شفت كتاب يعلم هيك شغلات بس سعره تلات ارباع دولار وانا ما معي ربع دولار
فحدا من الشباب يشتريه ويرد لنا خبر شو بيقرا فيه
هي رابط الكتاب
http://www.aliman-group.com/bookdeta...n&cat=0&id=328
في جماعة تانيين قالوا :
اقتباس:
|
العلة في توجهنا نحو الكعبة حال الصلاة، تكمن في ان الكعبة تعد اقدم معبد و بيت للتوحيد، بني بأيدي أنبياء الله العظام للموحدين من أهل الأرض، ولا يسبقه في هذا القدم أي معبد آخر، كما يقول القرآن الكريم:«إن أول بيت وضع للناس للذي ببكة مباركا و هدي للعالمين».
|
يعني الكعبة كانت من قبل الاسلام .. بس مانها مشكلة يعني الفكرة وحدة
لا لا شو وحدة
لا تحسبيا وحدة وتركبي حكي على لساني يستر على عرض المستطيل انا ما خرج اعلق هيك علقات
الوحدة يعني ما منختلف على القصة
بس انه اكيد ما الهدف متل ما قلتي .. جاذبية شحنات كهربا
يا مخلوقة قولي في عالم دارسة شوي وبتفهم شوي حاج استحمار للبشر
انه مثلا بتحبي هلق روح كب شهادتي " اللي بدي آخدا بعد 3 سنين " وانسى كل شي تعلمته بناء على سطر معفّن
" ترا المعفن هوي السطر بس مشان ما يتفسر حكيي على غير معنى "