اقتباس:
|
لك معناتو انت ضد الحل العسكري تماما ؟؟؟؟
|
طبعا ضدو.. لسبب بسيط و واقعي و هو انو ماننا خرجو..
بعدين في فرق بين الحل العسكري و الحل الاجرامي, و شتان بين الأمرين
حل حزب الله (رغم تحفظاتي عليه جدا يعني.. ايديولوجيا) هو حل عسكري شرعي و مشروع... و ما بتذكر عنصر من حزب الله حط متفجرة بسوبر ماركت أو بالشارع.. هل هو أجبن من عنصر الجهاد الاسلامي مثلا؟ طبعا لأ.. لكن المعركة الها استراتيجية و اهداف.. و ليست القتل لمجرد القتل
اقتباس:
|
وهلق يعني كرمال الله جاوبني....انا مثلا مؤمنة بقصة الانسانية ومؤمنة انو حرام يموتوا يللي مالهم ذنب بس هلق اعطيني شي حل منطقي للموضوع؟؟؟
|
ها يعني حلك انتي هو المنطقي؟ تبع انو هدول عايشين هون يعني ما عادو مدنيين و قتلهون حلال؟
اقتباس:
|
يعني هدولاك بيقتلوا وبيعذبوا وبيحرقوا ونحنا هون لازم نكون انسانيين لانو هدول محشيين من اهلن يا حرام ....طيب وامنا بالله انو حرام هالعمليات لانو اسما قتل اولا واخرا فيعني بدنا نلجأ للمفاوضات يعني ونكمل مسلسل التنازلات مع شلة الخونة وكان الله بالسر عليما؟؟؟؟
|
أيوا.. شلة الخونة..
بلشنا نحمّل المسؤولية لمن يستحق.. بداية موفقة
و على حد علمي شلة الخونة بيهتفولهون بالشوارع و بيعلقولهون لافتات و صور
اقتباس:
|
وعلى فكرة من منطلق انساني كمان صفى انو نقتل يللي بحاربوا هاد كمان حرام شنو معبئين وما عندن اي خلفية غير الخلفية يللي بلدهن بتعطيهن ياها ويعني همو نتاج تفكير اهلهن فيعني نحنا بنكون كمان مذنبين اذا حاسبناهم ما هيك!!!
|
أي في من هالشي.. لكن مع ذلك جندي حامل سلاح بيظل اسمو جندي حامل سلاح.. يعني مو انو قتلو حلال لكن قتاله شرعي.. و اذا مات بالقتال فهاد أمر تاني..