اقتباس:
كاتب النص الأصلي : وشم الجمال
طيب يا عمي فهمني انا شو ذنب الفلسطينيين من الجهة المقابلة؟؟؟؟
|
الفلسطينيين؟ انو كل أمة محمد تزاود عالفلسطينيين؟؟ حدا سأل الفلسطينيين شو بدهون؟
و رح اجي معك.. يعني شو ذنب الفلسطينيين.. ماذنبون شي طبعا.. بس كون الذنب مو ذنب الفلسطينيين فمعناتو ساعتها ما فينا نوزّع ذنوب ع كيفنا..
واقعية.. شوية واقعية!!! أغلب سكان اسرائيل هلأ من الجيل الثاني و الثالث.. يعني أي محشي كراهية للي بدهون يطردوه مما يفترض انو هاد بيتو.. متلو متل ولاد العربان. و لنفرض انو هالشخص راجع نفسو و شاف انو أبوه مذنب و ما كان لازم يهاجر إلى اسرائيل (و الشي اللي ما رايدين تشوفوه انو نسبة كبرى من الناس اللي وصلو على فلسطين وصلو مطرودين من حيث كانو.. تحت سمع و بصر و شراكة العرب) .. أي.. خلص الزلمة اقتنع انو غلطانين بني قومو.. شو بيساوي؟ شو بيساوو فيه؟ هاتي لنشوف...عطيه بديل..
هاد حكي كان لازم مفكرين فيه قبل النكبة.. مو بعد ستين سنة...
اقتباس:
|
يللي بنقتلو بفلسطين من اليهود مدنيين وحرام فهون انا بوقف وبقلك غلطان لانو بمجرد وجودهم بفلسطين فهاد معناه انو همو مع هالاحتلال وانو همو مو مدنيين فقتلهم ما بشوف انو بنافي الانسانية....
|
الخطأ لا يبرر الخطأ.. و القتل لا يبرر القتل
و مافي قتل ما بينافي انسانية.. مهما كان القاتل و مهما كان القتيل.. و هالقول تحديدا بينافي انسانية قائله