أبو حميد بس بدي علق على نقطتين ذكرتون بحديثك.. أول نقطه رح تكون بشكل عام:
صديقي هل هالحكي يلي ذكرتو كلو بيعني انو هالأفعال الاجرامية الارهابية ردة فعل مبررة على أفعال بوش بالعراق أو بأفغانستان أو اي فعل اجرامي من حكومة أي دولة غربية؟
اسمحلي هون باعتبار انت بتعرف منيح بالأعمال الرهابية يلي ضربت مصر من أوائل التسعينات لليوم ذكرك بكم حادئة ونقيم نتائجهون...
تفجير الحافلة السياحية بمنطقة الأهرامات بأول التسعينات راح ضحيتها عدد من "السياح" الألمان وترافق بحادثة الأقصر وبعض الأعمال الغواغائية الاجرامية يلي ضربت عدد من المناطق السياحية التاريخية الهامة بمصر... شو كانت نتيجتو؟؟ ردينا الصفعة للغرب عن تدخلاتون ببلادنا؟؟ أنا يلي شفتو انو النتيجة الوحيدة لهالأعمال كان توسيع الشرخ أكتر بين العرب والغرب وتثبيت نظريتهون بإنو نحنا جماعه إرهابيين مستحيل التعايش معنا...
والنتيجة التانيه كانت ضرب السياحة بمصر يلي أنا وياك منعرف مدى أهميتها كمورد أساسي لجمهورية مصر... وهالضربة القاسية كلفت مصر كتير كتير كتير لحتى رجعت استعادت ثقة السياح فيها...
أحدث شرم الشيخ وطابا وغيرها... شو فادتنا؟؟ 100 قتيل بالعملية 90 مصريين عرب مسلمين و7 عرب و3 أجانب... شو فادتنا هالأعمال؟؟؟ معناها نحنا يلي عم نسهم بعكس هالصورة البشعة للغرب عنا...
محمد أنا بعرف انك انت مانك بصدد تبرير هالأعمال البشعة بس انت بشكل أو بأخر عم تغطي جزء من ردات الفعل الغوغائية... يلي ابتدأت مع تغطيتك لردات الفعل "الكلامية" والله يسترنا بكرا وين ممكن توصل...
اقتباس:
الغرب يعاملنا بتمييز عنصري والغرب يريد قتلنا والغرب يسرق مواردنا والغرب يريد طردنا من بلادهم والغرب يكرهنا ويسب علينا ويسب على ديننا ويسب على رسولنا ويسب على الهنا ويسب على قرأننا والغرب يأتي في بلادنا ليقتلنا
(الا تعطون لشخصين منا فسحة على الانترنت ليشمتو فيهم قليلا ؟!! دون ان تنتقدوهم !!!)
|
شو بدك من الغرب يعمل؟؟؟ كيف بدو يعامل ناس متلنا؟؟؟ صديقي نحنا عم ننسى أفعالنا وتخلفنا ومصايبنا وعم نعلق كل هالبلاوي على شماعة الغرب الحقير المجرم... مع انو كتير من هالدول الغربية عم تعاملنا أحسن مع نعامل بعض...
بعض دول أوروبا تمنح الفيزا أو الاقامة أو اللجوء للفلسطينين والعراقين بطريقة أسهل بألف مرة من دول عربية تانيه... قارن حالة المواطن العراقي يلي بدو فيزا لدولة عربية خليجية أو متوسطية متل السعودية ودول الخليج بحالة هالعراقي وقت بدو فيزا على هولدنا أو بلجيكا...
محمد نحنا مو مناح مع بعض... نحنا ماعم نعترف بإنو نحنا سيئين... كيف بدنا البشر يعاملونا منيح؟؟ مع العلم انو هالناس يلي عم نسبون ونتسلى فيون ونحملون مسؤوليات بلاوينا بعدة أماكن عم يكونوا مناح معنا أكتر ما منستاهل...
وشكراً
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!