اقتباس:
كاتب النص الأصلي : شب الكوبة
اذا عم يستخدم الدين في سبيل فرض سيطرتو القومية على غيرو .. فهاد بيخلي من الصعوبة الاقتناع أنو هيك وجود كانعبارة عن اقامة خلافة اسلامية تهدف الى نشر كلمة الحق و لا فرق فيها بين عربي او تركي او كردي الا بالتقوى .. ولا سيما اذا عرفنا انو العرب تحديدا ما كان الن اي دور و أي مناصب خلال تلك الحقبة ..
و رح اعطي هالمثل عن اللعب بالدين ..أنو تركيا قبل ما تتوضح تحالفات الحرب العالمية الأولى ..كانت مجهزة فتاوى بتحض العرب عل الجهاد اما ضد بريطانيا و فرنسا أو ضد المانيا ... وكلو كان بانتظار نتيجة المفاوضات مع هدول الدول.. طبعا بالأخير بعد ما قامت الثورة العربية الكبرى قامو العثمانيين قصفو الكعبة !!!!
أما التقييم فيجب الابتعاد فيه ما أمكن عن العواطف و الميول ... للوصول الى الحقيقة ..وهنا تسجل نقطة لحساب الغرب المسيحي الذي اعترف بلسان رئيس السلطة المسيحية فيه على أن الحروب الصليبية كانت خطأ و غير اخلاقية .. وذلك بعد عدة قرون من تمجيدها
|
ما عم قول لأ.. و لا عم قول انو التقييم لازم يكون عاطفي.. لكن لما الواحد يحط مسميات للأمور رح يحط المسميات بما يلائم ميوله (عم قول شو بيصير عادة, ما عم قول انو هاد الصح)
بخصوص قصف الكعبة.. فياصديقي الكعبة انقصفت بالمنجنيق على يد الحجاج بن يوسف الثقفي قبل هالحكي بألف و ميتين و خمسين سنة.. فيعني ما حدا مقصّر بحدا..
و الثورة العربية بحد ذاتها أعتقد في عليها كتير من اشارات الاستفهام التاريخية (لأنو لليوم ماني مقتنع انو الشريف حسين صدّق انو رح يحررولو 3 مليون كيلومتر مربع كرمال عيونو).. بعتقد كانت الأمور أكثر تعقيدا بكثير مما تبدو.. أو يحاولون أن تبدو.. هيك رأيي المتواضع جدا.. اللي مانو رأي لا عالم تاريخ و لا رأي متبحر بهالعلم.. مجرد قارئ و متابع