[قرصان الأدرياتيك]

matya

وعد الحر (انا) دين فـ الك مني هالاسئلة..
هي هدية بما انو صرنا برمضان و ع السيرة بنقلكن رمضان كريم
اسئلتي القديمة ( ابسط يا عم بدأت من سؤال 4 ) عيش بهالنعمة :

ربّنا هو المنتقم الجبّار!!!

4)بالنسبة لتقمص شخصية الاخر .. برايك من اين ينبع ,.. يعني من جهل..الخ..؟!
هالشي يعود لأسباب نفسيّة واجتماعيّة بنفس الوقت، والقصّة يطول شرحا... فالإنسان يمرّ بكتير مراحل وكل مرحلة من العمر تتميّز بطابع معيّن، وغالباً ما يكون تقمّص شخصيّات أخرى بمرحلة المراهقة! وهالفترة بالذّات كتير مميّزة وما فيني أحكي عنها بكلمتين. الموضوع جداً واسع.

5)برأيك هل يستطيع (القلب / العقل) استيعاب اكثر من حب في نفس الوقت ؟هنا الحب بمعنى حُب الحبيب ...
لأ ما بيقدر يستوعب غير واحد أو وحدة.

6)الحب عبر الانترنت.. الى اي مدى تؤمن بـ وجود هذا الحب؟!!
إلى حدّ كتير ضعيف، فإذا ما اكتمل الحبّ بالرؤية والسّمع والحضور الشخصيّ، بالاختبار يعني، فهو مجرّد حلم!

7) ان تكونت علاقة عبر الانترنت وانتهت بالزواج...هل برايك سيستمر هذا الزواج ام ينتهي بالفشل؟! وَ علل.
جاوبت أعلاه أنّو إذا تطوّرت العلاقة عبر الإنترنت لاختبار وقرّروا بعد هالشي فالنجاح يعود إلى مدى تمييز الرجل والمرأة، لأن كمان في آلاف الزواجات أجت بعد حبّ لفترة وما نجحت. فالحب هو العنصر الأساسي بالزواج لكنّه لا يكفي لنجاحِه. زواج الإنترنت غالباً ما ينتهي بالفشل إذا اكتفي فيه بالإنترنت. والسبب موضّح بالسابق.

8 )بتفرق معك ادا كان الزواج نتيجة حب انترنت او نتيجة حب على ارض الواقع ؟ ولا نفس الشي بالنسبة الك ؟!!
السؤال هاد هو تكرار... إذا الحب عبر الإنترنت استمرّ بعد الحضور الشخصيّ والتعرّف على كلّ أجزاء الحبيب المعنويّة والشكليّة فرح يكون نفس الشي لأي حبّ آخر! لا بل يمكن يكون أقوى لأن تبادل الأفكار وتقاربا (إذا ما كان في نفاق من أي طرف) بيعزّز رابط الحب والنموّ.

9) لمين بتقول من الاخوية (ادا في حدا ينقلو )
(يعني كأنك بحوار مع شخص بتقوم بدك توصفو فبتقلو قول من هالاقوال) :
أ- "وما خاطبتُ جاهلاً الا وغلبني".
ما بحب قولا لحدا... لأن مهما بلغ الإنسان من معرفة فيضل ناقص كتير كتير، وما بظن في حدا منّا بيقدر يختزل المعارف كاملةً. بس تستعمل للأشخاص يللي ما بيستعملو العقل كوسيلة للحوار!

ب- " ولا خير في ودّ امرئ متملق حلو اللسان وقلبه يتلهبُ".
كمان ما بقولا لحدا لأن أنا شخصياً أكره التملّق والمديح... إلخ. وهالبيت بيعبّر عن المنافق ولسّاتني ما تعرّفت على حدا شخصيّاً لأعرف إذا هوّ منافق ولا لأ. يعني هو بيعمل متل ما عم يكتب هون ولا مجرّد عرض عضلات!!!

جـ-"ولا خير في ودّ امرئ متلون اذا الريح مالت مال حيث تميلُ".
ما بقولو لحدا... هاد البيت بينطبق على كل شخص لسّاتو ما اكتشف وين الله حاطو! يعني لسّا ما عندو ملامح واضحة لشخصيّة واضحة.

د- الكذب عندك صنعة.
في كتار بيكذبوا... بس المهم ما توصّل الكذبة لأذى! وبظن بيلتقى هون بالأخويّة من هالنوع! شخصيّاً بحب قولا بطريقة غير مباشرة... لحتّى أترك مجال للآخر إذا بدّو طبعاً يصلّح نفسو.

10) بدي توصف صوت او اغاني او موسيقى :
أ- فيروز.
في كل مكان وزمان. أغانيها صلاة.

ب- زياد الرحباني.
فنّان شباب اليوم.

ج-شربل روحانا.
بسمع عنّو بس ما قعدت تسمعت ألو.

د- ميادة بسيلس.
صوت رائع وبيخترق النفس بس ليش ما عم تطالع شي جديد؟!

هـ- لينا شاماميان.
أوّل مرّة بسمع باسما.

و- مريومة الغزيالة (كـ فنانة بتغني مو كـ مشرفة بالاخوية).
ليش مريومة فنّانة؟ طيّب وشو هو نوع الفنّ تبعا؟! غناء؟! وين بلاقي مواضيع عن هالشي؟!
أنا بلّشت فيك قلي... بس الموضوع بيهمني كتير ويا ريت حضرتك تكلفي نفسك وتجاوبيني .
أو أي حدا تاني ما عندي مشكلة.
القصّة وما فيا أنّو أنا صرّخت بوجه مريوما بدون مبرّر ولهلا ما عم بعرف كيف أعتذر... بيجوز قلا آسف مرّة تانية قدّام الكل يكون أفضل! .

ماتيا... أنا بلّشت حبّك أكتر... ديري بالك مالفتنة .