كيف الشبيبة
اي رمضاااااااااااااااان كريم عليكون وعلينا
أينما كنتم في أصقاع المعمورة وفي الضاء الخارجي والفضاء الداخلي وبكل قرنة يصل إليها بث أخويتنا العظيمة
يا أخواتي الأعزاء
انو بوكرة رمضان
بوكرة صياااام ومافي أكل ولا شرب ولاشي من هاد
كمان ماحدا يبصبص هون وهنيك
يعني تمرقلها بنت من جوات اخوية من برات أخوية حدا يبصبص
منيشنكون من بوبو عينكون
كيف لكان
بس رمضان جابة وكل العالم خايفة واللي عم بيقول ولي واللي عمبيقول
والله هالرمضان جاية والشوبات بعدون باولون
بحب طمنكون انو وحسب عمو عدنان حمدان
راح يكون الجو خماسيني وسديمي في المناطق الشرقية وحار بالمناطق الداخلية والرطوبة يالطيف ع الساحل
جو غيررر شكل
فجاري هون اللي قاعد بالطابق التحتاني
قال شو بدو يصوم طول 30 يوم من رمضان
بس قال شو بدو يبل ريقو
قلتلوا شلون
قال شغل الله ما حدا دخلو
انا اول شي فكرتوا من شيات اللادقية اللي عطول عندون اتفاقات مع اللي فوق السموات
بس ما طلع هيك قال هاد كلو شغل فتوات
قلتلو فتوات شو (فتوات جمع فتوى بس بالعامية السورية اللي صارت نار ع علم من ورا نور وسنوات الضياع)
قال انو كل واحد من هالبشر عندو مفتي ذاتي
وبيفتيلوا عكيفو
فقلتلوا اي أفتي عكيفك أفتي يا سيدنا
وانا راح افتي
راح حلل لحالي صوم عن كلشي الا المي
ومغازلة الصبايا
بس شيات أخوية
يعني انا عيني ما بتطلع لبرا هه
فأفتوا لحالكون
ملاحظة :
أيها الشباب الطيبة في أخوية أني اعلن ومن هذا المنبر الن الكلام الانف ذكروا هو عبارة انتقاد لبعض الشغلات
وهو غير حقيقي افتراضي
فماتقلبوها جد
أفتوها لنشوف
