يا قرصان الأدرياتيك ( كتبنا الهمزه احسن ما تزعل منا )
عراسي حارتك... تقديرك للهمزة متلي بيقرّبنا من بعض! شو رأيك نتجوّز ونجيب همزات وشدّات وحركات... بس ما بدّي تجيبيلي سكون من هلا عم فهمك والأولو شرط آخرو نور  .
بالاول بدي اسالك شو اكلتك المفضله ؟
مقلوبة الفول... يجي بعدها البرغل على لحمة راس عصفور... بعدين الجوقات وهلمّ جرا!
لو كنت مكان الرئيس الحالي لسوريا شو اول قرار بتتخذه ؟
والله القرارات رح يوصلو للمليون وما بعرف بشو بدي بلش! يمكن ببلش بتحويل البلد لبلد علمانيّ حقيقيّ.
اذا كان بامكانك ترجع الماضي شو الشي الوحيد الذي بتبذل جهدك لتغيره ؟
انفعالي على الصّعيد الأخلاقيّ.
شو بيعنيلك اسماء هالدول " فرنسا ؛ الاردن ؛ لبنان ؛ سوريا؛ اسرائيل ؛ فلسطين"
فرنسا: الليبيراليّة يللي عم تتزوّر ببطء.
الأردن: بلد عايش على كتاف غيرو.
سوريّا: وطني.
إسرائيل: دولة عنصريّة بكل معنى الكلمة.
فلسطين: بتمنّى يصير ألها وجود.
ما بدي غير هال 4 اسئله تجاوبني عليهن وكتر خيرك
وكتّر ألف خيرك أنت كمان... ما أحلى النظافة فهي من الإيمان.
Mors ultima ratio
.
www.tuesillevir.blogspot.com
|