اقتباس:
كاتب النص الأصلي : Abu ToNi
ابو سارة
بدي اقلي فيك شوي بس طول بالك مش محماية النار كتير وفي عندي كام سؤال :
1-
المتابع لنشاط سيريويو بالأخوية بلاحظ اهتمامه باللغات الآرامية والسريانية واخوتها وبيتوضح بردوده اقتانه للغة السريانية بطلاقة سواء بالكتابة او قواعديا ففينا نقول :
ابو سارة هاوي تعلم لغات
ابو سارة نشأ ببيئة تتكلم اللغة السريانية
2- هل التقيت بحد اعضاء الاخوية سابقا (( وفي حال الايجاب اي عضو كان التقائه فيك مؤثر اكتر شي ))
3- كونك عراقي داخل مجتمع سورية (( اذا اعتبرنا الاخوية نموذج اجتماعي )) شو هية اهم الصفات اللي بيتحلى فيها الشعب السوري من خلال تجربتك
4- بسلم من الواحد إلى العشرة .... فين بتشوف الاخوية اليوم بشكل عام ... وقسم التاريخ بشكل خاص
5- السؤال اللي تعودت اسأله لكل مين بقليه (( من حرقة قلبي )) شو هوي نوع اتصالك بالانترنت (( ديال آب ، اي اس دي ال ، ويفي ... )
6- دائما الاحداث بتولد فينا انطباعات معينة ، احتلال العراق من قبل الامريكان شو ولد لدى ابو سارة انطباع عن المواطن الاميركي ... وهل تعتبر المواطن الاميركي مشارك بعملية الاحتلال ام انه فقط اداة بايدي الكبار من المخطيين (( بمعنى آخر هل يحمل ابو سارة اي مشاعر " غضب ، كره ، حقد ... " ضد المواطن الاميركي كونه يحتل بلده بالوقت الراهن
|
1. لازم اوضح شي .. اني صحيح اكتب مواضيع بس انا مو محترف في السريانية ..
والاختيار طبعا .. انا متعلم لغات
2. اي التقيت اكثر من واحد و كثير كان لقاء حلو و مثمر ... ما رح فوت بالتفاصيل كثير بس كثير فرحت بلقاء هذول الاشخاص...
3. من خلال تجربتي بأخوية ..( كمجتمع سوري ) اكتشف انو الشعب السوري (و كثير من اعضاء أخوية) متفهم ومنفتح و متقبل للكل ... و انا فخور بوجودي في أخوية ...
4. الاخوية اليوم 8.5 .... و قسم التاريخ 7 ...
5. Wireless lan
6. كثيرين من الاميركان كانوا معارضين للحرب و عبروا عن الرفض .. بس مع ذلك اكثر من هذا العدد كانوا مؤيدين للحرب و مبررين للعنف و القتل ...
المهم انا احمل مشاعر غضب شديد من مؤيدي الحرب و اشد من المبررين او المتغاضين عن كل الاحداث و العنف اللي صار على ايدهم ... لانهم ورطونا بورطة كبيرة و اذونا كثير ..
ما نقدر نقول فقط بوش و الحكومة او الكونجرس هم المذنبين ... لأنه قسم كبير من الجنود الاميركان قساة بشكل مو طبيعي و كلهم يتعاملوا معنا بفوقية في المرور بالشوارع و يطلقوا النيران بأي لحظة ...
و ما نقدر الا نقول ان هذا الجيش هو جزء من الشعب ... قد يكون من اسوأ الطبقات بس يبقى هو جزء من الشعب ... طبعا بالاضافة الى الشركات الامنية الاميركية ....
سلام يا ابو طوني و غابي !