[saman]

خراط / خريط :

ميزاتو :
بيكذب بالفطرة ..
خيالو .. واسع .. وكل اللي حواليه بيعرفو .. أنو عم يقسم ( أبو قاسم )
" يعني امبارح يا شباب قبل ما يتوفى درويش .. عطاني أمانة سلم عليكن فردا فردا "
..
" أخر مرة كنت عم حاكي Yanni ... وعدني يجي على دمشق .. بس عم ندورلو على مسرح "
..
" انا وقت كنت .. بيوغسلافيا .. كنت حابب صورلكن .. بس انتزعت الكاميرا " .

التعامل معو :
تساااااااااالي ..
أو " الهريبة تلتين المرجلة "

هادا منعرفو وهوي بيعرف انو منعرفو

مبدعــــــــــــــ/ـــــــــــــــة



الميزات :
بتقدر تخلق جمال بكل شي ...
بلوحة .. بصورة ..
بلما بتكتب كلمة ..
وقت بتستلم مسؤولية .. بتكون على قد الحمل وزيادة ..
في عندا .. بصمة .. مميزة
بتدل أنها مرت من هون ..


التعامل معها :
ما في .. أحلى منو ..
بدنا بأخوية .. كتير منها
" شهادتي مجروحة "

هي بتجنن واكيد معروفة

سمايلي أبو غمزة

بتكون عم تناقش و تحاجج... صرلك ساعة عم تكتب و فاتح مية مرجع و عم تزبط أفكارك و ترتبها... بتحط مشاركتك.. ترجع و تلاقيه حطلك سطرين مالون علاقة باللياقة (يجوز ملاقيك برد طولو شبرين غلطان بحرف أو كاتب همزة غلط.. ) و بآخر الرد حاطلك سمايلي أبو غمزة .. انو أفشتك.. كمشتك و أفحمتك و أخرستك الى أبد الآبدين..

تقرا ردو مرة و مرتين و تلاته... انو شو دخل هاي بهاي؟؟

يبقى ازا رديت عليه بتكون "عم تحاول تعمل تمويه للخازوق اللي أكلتو".. و ازا ما رديت تكون " هربان لأنو أفحمك"


التعامل معو

"غلبتني كما غلب السفيه الإمام علي"

ما كنت اعرف ليش المشرفين عندهن حقد على هالسمايلي