[ayhamm26]

كاتب النص الأصلي : gabriel

اذا عقلك خلاك تحلل القصة على اني (( كشفتك )) فهاد حكي تاني
انا بكل بساطة قلت لك ما بدي اعلق على الخبر لأني متوقع انت بحد ذاتك الخبر مش قريانه او قريانه بس مش مهتم فيه بقد مانك مهتم بالفكرة اللي انا حكيت عنها ... على الأقل انا هيك حسيت وما قلت لك مصطلح (( كشفتك )) فيا ريت تخفف شوي استنتاجاتك العظيمة باعتبار كتاب غينيس افّلوه لسنة 2008 فطول بالك للسنة الجاية ...


كون (( نيتك )) احدى المقدسات وممنوع الحديث عنها ... هاد حديث تاني ما جاي على بالي ضيّع وقتي بالدخول فيه
بس بالمقابل انا جيت بكل بساطة قلت لك يا عيني مزوبط حكيك موجود عند الجميع بس الفرق الفرق الأول عادات اجتماعية التاني قيمة دينية ولازم شوي نفرق بيناتهم كوننا شباب واعيين يعني بالنسبة للشخص القصير النظر بشوفهم نفس الشي بس بالحقيقة هنن كل واحد شكل وكل واحد اله حل شكل وطريقة للتعامل معه شكل عن التاني ... وبس هيك


طالما ما سمحت لي افرض (( نيتك )) باعتبارها مقدسات فكيف بتسمح لحالك تحدد وجهة نظري بمجموعة كاملة من البشر او من الدين وعلى الأغلب متل ماني متوقع مانك شايف بالقصة هي أبعد من انفك ... تماما ابعد من انفك
لكن الفرق بيني وبينك اني فاتح لك الباب على مصراعيه قيّم حبيب وعطي رأيك ما عندي اي مشكلة ... مش بس معك ... مع كافة العالم اللي بتمثلهم ما عندي اي مشكلة (( ما بدي اقول مش فارقة معي واتقل اكتر بالحكي خلينا على تعبير " ما عندي مشكلة " وافهمها لحالك ))




برجع بقول لك طلّع شوي ابعد من انفك وحاول شوي تفرق بين القصتين لأن اعتبار (( كله عن العرب صابون )) كتير غلط خصوصا بهيك قصة

تعودنا بالأخوية نكتب الرد اكتر من مرة حتى العالم تفهم شو منقصد ... انت بحاجة لهيك اسلوب اما بتحاول تعذب حالك شوي وترجع تقرا الرد ؟!



يا (( غااااالي )) بعتقد كبرنا شوي على عمليات (( تمسيح الجوخ )) فبطل لنا شوي هال حركات يا (( حبييييييب قلبي )) واحكي شوي حكي اله طعمة (( ما بعرف اذا بدك تعمل لي مشكلة على اني عبقيم حكيه انه اله طعمة او لا بس بالأخير بالنسبة الي على الأقل هيك جمل وهيك ردود عار انها تنسب إلى موقع متل اخويتنا ))

يازلمة عم دور بهالرد على شي بنرد علي ماعم لاقي الا حكي فاضي


اذا بلشنا بجملتك الاخيرة , اي انا عم مسحلك جوخ فعلا لاني كتير معجب فيك من هالكم المرة اللي دخلت فين معك بنقاش

اما انو لازم طلع ابعد من انفي , فياريت تطبق هالحكي على نفسك بالاول , لانو انت وامثالك عندكن قاعدة ذهبية ما بتحبو تفكرو فيها وهي انو في طرف بهالمجتمع هو الشر المطلق وهو سبب كل الماسي الاجتماعية اللي عم تصير ونقطة على السطر . غير هيك ما عندكن

القصة امامك واضحة, انسانة غيرت دينها , ليش ليتدخل اكبر مرجع ديني وقال شو بيعمل اعتكاف وبيحرد ليسلموها للدير ويحبسوها في وتختفي بعدها وما حدا بيعرف مصيرها

والقصة عم تتكرر كل ما حدا بدل دينو , وبتتحول لقضية سياسية وقضية اضطهاد ديني , وكانن بدن يقولوا انو مستحيل مسيحي بارادتو يصير مسلم

برجع وبقول تحويل الدين قضية شخصية , وتحويلها لقضية سياسية هو المشكلة الاساسية
وعندك انت وامثالك لما مسلم بيغير دينو , بتبلشو بقى هددوا بالقتل, هرب من بلدو , مابعرف شو صار كمان , شو هالتخلف شو هالدين
بس لما العكس يصير بتصير قضية فيها نظر والها ابعاد ونحني مو فهمانين القصة