أخوية - عرض مشاركة واحدة

*Marwa* · 28/08/2008

اقتباس:

كاتب النص الأصلي : مشاعر

مرحبا * Marwa *

1- اختاري إحدى هذه المناطق للاستجمام

جزرهاواي - جزيرة تاهيتي - جزر المالديف.

جزر الهاواي

2- أجمل أغنية سمعتها عن الأم.

أحن الى خبز امي وقهوة امي..
3- رتبي أجمل ما فيك بالتسلسل

عينيك - شفتيك - شعرك - أنامل يديك - قدك المياس يا عمري
العمى ع هالشغلة..شو هالاحراج

عيني - قدي المياس (على قولتك

) - شفتّي

- أنامل يدي - شعري (هني شعري وانامل يدي بنفس المرتبة)

.

أهلا مشاعر..اكتر من هيك احراج ما في حبيبتي

اقتباس:

كاتب النص الأصلي : وشم الجمال

يعني ما في ضغط شغل عليكي اليوم فخديلك كمان كم سؤال عالماشي

اكتر كلمة بتحبي تحكيها .. بديش

جد والله كتير بحبها هالكلمة

اكتر كلمة بتحتاجي تسمعيها انتي بتعنيلي كتير

اكتر كلمة بتكرهيها الكفريات بشكل عام!

اكتر كلمة بتنرفزك فش كلمة بحد زاتها بس لما بكون عم اعمل شغلة وييجي حدا يقوللي اعمليها منيح وهيك..بتنرفز كتير

اكتر كلمة بتحسيها سامية إمــي

شو بتعنيلك كلمة ندل انسان ما عندو ضمير واخلاق

بتعرفي ترقصي مراات

بتحبي الفلفل الحار اه

شو بتكرهي تاكلي بشكل عام بحبش البيتنجان..في طبخة اسمها المنّزلة بكرهها كتير..اه وكمان السبانخ

شو مشروبك المفضل عصير توت-موز

شو اكتر منظر بتحبيه؟ غروب الشمس..ع البحر

عمرك حسيتي بانو الدنيا ضيقة وحابة تغادريها؟متى وليش؟ اه كتير اوقات يعني ممكن تكون اخر مرة امبارح صعب يمر اسبوع وما احس هيك احساس..

الغروب والشروق شو وقعهم على نفسك؟ بحب الغروب اكتر من الشروق..لأنو الشمس بتدوب بالبحر..منظر بجنن

بتحبي تكتبي؟عمرك جربتي تكتبي؟ وشو صار؟ جربت اكتب وحطيت خربوشة هون بالاخوية ودعمتوني صراحة..بس في كتير اشيا ما بسترجي انشهرا..بحسها خاصة وخرابيش!

الحب الو معاني كتير ارقاها حب الام...كلمة بتوجهيها لامك...ولابوك...
لإمي الله يطول بعمرك..ويخليكي..
لأبوي انا بحبك..بالرغم من انو يمكن انتي بتحس اني عنيدة وبجاكرك..بس هوي تفكيري غير تفكيرك

تخيلي انو هاي اخر لحظة بحياتك...بعيد الشر عنك...شو رح تحسي حسب توقعك؟؟ يمكن بالخوف يمكن بالطمانينة..بس انو لو كانت هاللحظة تحديدا..اكيد خوف!

وشو وصيتك بالحياة؟؟؟ تزكروني... وحبوني وانا ميتة متل ما كنتوا تحبوني وانا عايشة لا اكتر لا اقل

وشوم ..صراحة يعني كفيتي ووفيتي..انا بقول تعطي حالك استراحة..