ضوابط الكتابة في الأقسام العامة
هلا أخواتي
المنتديات العامة اول بوابة رح تتعامل معا بأخوية وهية مكونة من
التشريفات :
هون بنتعرف عليك .. بتكتب موضوع ترحيب ومنستقبلك .. بتعايد رفقاتك وبيعايدوك ..a.
لكن في نقطة .. ازا حبيت تودعنا .. فـ الله معك ... قلبي وربي داعيلك ... يعني من دون شوشرة 
. .
وبالنسبة لمواضيع التشريفات :
مواضيع الترحيب بالاعضاء الجداد الها مدة 3 أيام ومن ثم تغلق
مواضيع المعايدات والمباركات .. الها مهلة 5 أيام ومن ثم تغلق
أما
الصالون :
هوي قعدة راايقة ( يعني مافيا خروج عن الأحكام العامة للكتابة بأخوية ) ولتسهيل عليكن وعلينا في كام نقطة المفروض نتذكرن وقت بدنا نكتب أو نشارك بموضوع : الموضوع مطروح للنقاش ( ما فيه طابع ديني او طائفي أو خارج إطار القبول الاجتماعي ) الابتعاد عن الحوارات الشخصية أو السبام أو التهجم .. وتحويل مسار الموضوع . يحق للعضو الواحد موضوع واحد كل 3 أيام منعا ً لأغراق القسم . نتأكد أنو المواضيع بمكانا الصحيح مثلا المواضيع اللي بتحمل طابع فكاهي مكانا على الطاير
المواضيع اللي منقولة وما بتحتمل النقاش .. مكانا عالملطوشات . وهيك وإذا حسيت أنك ما كتير متمكن من الأقسام فيك تطلع على شرح الأقسام بأخوية . أي رد ( خارج الموضوع - استفزازي - مثير للمشاكل - ذو معنى غير واضح "تلطيش حكي" ..يستوجب المخالفة والحذف) - كما في كل أقسام أخوية في حال وجود أي مشاركة أو موضوع أو مخالفة لضوابط الأقسام إستخدم زر المشاركة العاطلة
 ولاترد على المشاركة بمشاركة أخرى
عدم الالتزام بهالضوابط رح يضطرنا أسفين لتشغيل عداد المخالفات والزعلات
ودمتم بحب
آخر تعديل Reemi يوم 25/04/2009 في 12:07.
|