شو اسم كاتبكـ المفضل؟
جاوبت قبل
بتحبي الشعر ؟؟ لمين بتقري؟؟
بحب الشعر .. مو لشخص محدد .. نزار قباني ، أحمد شوقي .. وكـ اردنيه تربيت على شعر مصطفى وهبي التل (عرار )
شو رأيك بالحب؟؟؟
جاوبت قبل
شو رأيك بالسلام؟؟؟
حلم .. يمكن صعب يتحقق
عمرك حسيتي بالظلم؟؟؟ وشو الموقف؟؟
اي .. ما في موقف محدد .. يعني وقت حدا بسيء الظن فيي بشعر بالظلم ، وقت حدا بفسر كلامي بشكل مستحيل كون قاصدتو بشعر بالطلم .. هيك
شو طموحكـ في الحياة؟
عندي طموحات كتير .. بشكل عام بتمنى اوصل لمرحله كون راضيه عن نفسي
شو بتعنيلك السياسة؟؟
لعبة مصالح .. صحاب هاللعبه بفكرو كل شي مباح
بشو بتوصفي علاقتك بالاخوية؟؟؟
اخوية صح عالم افتراضي .. بس بتوقع اعطت لكتير منا اصدقاء واخوه .. و مساحة حريه
هل بتعتبري الوضع بالبلدان العربية حاليا على شفا جرف هار؟؟؟
لأ .. هي المرحله تخطيناها من زمان .. هلأ صرنا بالوادي .. وكل بلد بدها تطلع على ضهر غيرها ولو داستها .. ولو طلبت مساعده من عدو .. طبعا هالمساعده ما بتكون لله
الاغتصاب ... شو الشعور اللي بتخلقو هاي الكلمة بأعماقك؟؟؟
الغضب
هل تؤمني بالسلام بشكل عام؟
لأ .. كزبه كبيره
وشو حل القضية الفلسطينية برأيك؟؟؟
يحلو العرب عن سما هالقضيه .. و يصير الشعب الفلسطيني شعب واحد ضد عدو واحد .. يمكن بتنحل
شو قمة الصدمة عندك؟؟؟
حدا يكذب على لساني .. وما يكون عندو خجل من انو يواجهني 
شو موقع سوسو من الإعراب يعني انت وين وصلتي ؟؟؟
شبه جمله  .. لسه ما علمت شي من اللي بدي ياه
شو الشي اللي ما فيك تستغني عنو؟؟؟أساسي بحياتك؟؟؟
قناعاتي الدينيه
جربتي الخيانة؟؟؟ عمرو حدا خانك وعمرك خنتي حدا ؟؟ وشو تعريف الخيانة بالنسبة الك؟
لأ .. كمان لأ .. انحطاط كبير بنفسية انسان انو يخون حدا واثق فيه .. مو طالع معي كلام يوصف مفهومي للخيانه .. بس ما بشوف اي شي ممكن يبررها
شو لونك المفضل ... غنيتك المفضلة؟؟؟
اسود ، اخضر زيتي .... ما عندي اغنيه مفضله
بلد نفسك تزوريها؟؟
فلسطين
حدا باخوية نفسك تقوليلو شي معين...
بقول لـ black_iris .. خليكي هيك .. بتجنني
مين العضو يللي اعجبك كتير تفكيرو ونقاشو
yass
اكتر عضو حبيتيه
مروى ( *Marwa*)
شو بيعنيلك الشهيد؟؟؟
انسان ضحّى بنفسو .. مشان ناس نصهم اعتبروه ارهابي
لما تشوفي الوضع والحصار بغزة شو بتقولي بنفسك؟
لولا عمالة العرب .. ما صار هيك
فلسطين احكيلي عنها بسطر.
حق مسروق .. ساومو عليها خونه .. وباعوها بحق كرسي .. دفع شعبها تمنو دم
يحيى عياش ... شو بيعنيلك؟؟؟
بطل شهيد .. يمكن لو تحررت فلسطين بيوم بكون بسبب ناس متلو .. بتعرف مين عدوها
بتقري شعر جاهلي....
إذا في قصائد شعر جاهلي مرو بالمدرسه بكون اي .. إذا ما مرو بكون لأ
شو أبشع منظر شفتيه بالانتفاضة ... يعني اسرائيلي ...
حجر مقابل دبابه
شو أبعد شي ممكن يوصلو خيالك؟
بشي يوم يصير عندي سيارة BMW لونها اسود موديل سنتها
بتحبي القهوة؟؟؟
لعلمك .. كل مخترع بالدنيا شو ما كان اختراعو .. توصلّو و وهو قدامو فنجان القهوه 
فنجان القهوة بوقت المغرب من الطقوس الثابته عندي من سنين
عمرك كتبتي شي خاطرة ادبية؟
خاطره اي .. ادبيه !! كبيره عليي
بتحبي الادب؟
اي .. مع انو هالفتره صاير معي حالة تخلف ادبي
شو نقطة ضعفك؟
شخصيتي ضعيفه
شو نقطة قوتك؟
لو عندي هدف .. بحققو .. لو أخد سنين ( شو بكون اسمو هاد .. يمكن صبر يمكن مثابره )
كلمة بتوجهيها لكريم
الله يفك اسرو ..
انت حر بفكرك .. لا تندم انك قلت كلمة حق
عجبت لمن شك في الله وهو يرى خلق الله
___
|