اقتباس:
الله يحلي ايامك يارب ....
بتقدر تقول حضرتي بني ادم شايف كل شي بعينو .... شايف بعيني وما بحكي شروي غروي ....انا بقول عن اللي بشوفو بعيني ...الا اذا انو عيني فيها شي غلط .... 
فانو ما تخاف انا ما بزت حكي على كيفي ...فيك تتطمن وتحط ببطنك بطيخة صيفي ....
وبالنسبة للحكي اللي انت علقت عليه بالاحمر ...انا بقصد فيه اللي بيلبسو ديق وقصير من قبل .... يعني ما بعرف ان شالله توصل ...ازا ما وصلت منوصلها....
|
ويحلي ايامك كمان...وسلامة عينك، ترا العين مهمة كتير وخاصة بهالموضوع، فيك تقول انو هيي اساس البلا.
بس انو كلياتنا شايفين، واذا كل من شاف اعتبر المحجبة الي بتشلح حجابا انها اوطى من انو ينحكى معها!
وكل من شاف اعتبر الي بلشت (عم ركز على "بلشت") تلبس قصير انها رخيصة، اي بهالحالة رح نظلم كتيرين ها! يعني وخصوصي انو نحنا ما بنحكم عالناس من خلال لبسن
.
بعدين بتقسيمتك الرهيبة لانواع البنات عم تظلم القسم التاني بشغلتين (غير انو عم تعمم):
1- ما بيحقلن يغيروا نمط حياتن (خلص انحكم عليهن يعيشو نمط معين)
2- لما توصفن بهيك مواصفات، عم تنسى انو هادا اختيارن الشخصي، انو اخي هالبنت مبسوطة اكتر بهاللبس. ولّا ماضروري نعرف شو بدو الانسان او بشو عم يفكر بس اهم شي نحكم عليه متل ما بدنا؟
haa haaaa haatshuuu!!!!!!!..... Sorry, I'm allergic to bullshit!
Urhoy سابقاً