[رجل من ورق]

مرحبا يا قوم
هيك بالعربي الفصيح بدي اسال
من كم يوم كنت عبقرا رواية شرق المتوسط لعبد الرحمن منيف
اللي عبتحكي عن السجون العربية
الحقيقة خطر ببالي خاطر وبدي اسالكون ياه
لو بعيد الشر عنكون كلكون اعتقل واحد منكون وواتحقق معه ونطلب منه انه يدل على رفقاته او يعطي معلومات عنون
وتعذب وانتوا بتعرفو تعذيب فروعنا كيف بتشتغل وحفلات التعذيب
ممكن انو يحتمل العذاب بس ما يحكي شي او ينهي عذابه ويحكي كل شي
من جهة اعترافه يعني خيانة درب ومشوار طويل وعهد من الرفقة والعمل مع بعضون ومعليه ممكن يتحمل العذاب قد ما كان
ومن جهة تانية ومن دون ما احكي كتير اللي ايده بالنار مو متل اللي ايده بالمي يعني الم العذاب لا يحتمل وممكن يكون طلع معه مرض خطر ووقتا بتطلع النغمة تبع : وقع على الاوراق وبالمقابل نسمحلك بالعلاج

ومن جهة تالتة لنفرض انو ما اعترف وتحمل العذاب وغيره حكى ومشي الحال على مين بتكون راحت غير عليه ؟
وشو بيكون استفاد
ومن جهة رابعة كملوا انتوا
souraqia