فسحة أمل
هلا بداية هل كم سؤال والباقي
يتبع
انت ليش بتكرهني
شو رأيك بما يلي :
الحب :
احساس سامي جدا .. وراقي جدا .. وتشوه جدا للأسف
عمليات التجميل :
ماني ضدها .. بس كتير مؤسف انو انسان يتطلع على حالو بالمرايه ويشوف وجه غريب
العنوسة:
صار بحياة الانثى اكتر من محور .. وما عاد وقفت على وجود رجل .. بظن ما عادت هالكلمه جارحه متل زمان
شغل البيت :
يقطع شغل البيت وسنينو.. بكرهووووو 
التدخين :
شخصيا ما بدخن .. و ما في شي ممكن ينزع مزاجي ويعصبني متل انو كون موجوده بمكان فيه حدا بدخن .. يعني لو رح رتب الاشياء اللي بكرها بكون التدخين على راس القائمه
المنكر
" العرق ومشتقاتو " :
ما إلي فيه والله
المسلسلات المدبلجة وعلى رأسن نور
:
اي هدول بعد التدخين على طول .. ان كان هاد تبع نور ولا التاني هداك تبع لميس .. صرعونا فيهم .. لا قصه متل الخلق .. لا حبكه عليها القيمه 
الخجل:
هاد 
.. للبنت بحدود بكون حلو يعني لازم تكون البنت خجوله شوي .. بس ما يوصل للهبل 
الورد:
الورد من الاشياء اللي بحبها كتير .. بيعطيني راحه نفسيه كبيره
الجنة , النار :
بآمن فيهن أكيد .. لازم يكون لأعمالي نتيجه
أبو وديع :
يعني والله ما عندي شي شخصي ضدو للزلمه .. بس والله صوتو مو حلو
زياد الرحباني :
شخصيه فريده .. عبقريه .. مبدعة .. تمنيت شوف حفتلو .. لكن للأسف الظروف كانت ضدي
.
شو هوي شعارك بالحياة .
العلم بحر.. والغباوه محيطات 
اذكريلي أربع شغلات بتكرهيهن." غيري طبعاً"
الكزب ، الصيف ، الطائفيه ، المقلايه ... غيرك طبعا
وقت الي بتكوني معصبة وما طايقة حالك شو بتعملي.
بروح نام 
.. إذا ضليت فايقه بزعل مني كل العالم .. حتى اللي مالهن علاقه
شو يلي ببكيكي.
الظلم
شو هوي فلمك المفضل.
lord of the rings , Armageddon
شو أكتر فلم كرتون كنتي بتحبيه وأنتي صغيرة .
الليدي اوسكار 
مين الكاتب المفضل عندك.
مشكل .. بحب كتابات جبران
إذا خيروكي بين الورد والشوكولا شو بتختاري.
يوه .. ليش التعزيب
شوكولا
هدون مبدأياً
والله عنجد
