أول شي هيك غلط حبيب انك تحكم عليي اني ماعم شوف مزبوط... يعني ببساطه هلأ أنا فيني كمان جاوبك انو انت كرهك لأوروبا والغرب عامي قلبك ومو مخليك تشوف مزبوط... وعلى فكرة هالشي فينا نعتبرو نوع من التهرب من المسؤولية والقاء مسؤولية مشاكلنا على أي حدا إلا على المسببين الحقيقي يلي هنن نحنا بكل بساطه..
اقتباس:
|
مافهمت شو السؤال هون؟؟ يعني ليش بإيد سوريا مو بإيد أي حدا.. ليش أي ورقة بالعالم بإيد أي حدا... وين النقطه.. أي حدا بيتفق مع أي حدا ولأي هدف... ممكن يكون الطرفين نيتون منيحة وممكن يكون طرف منون منيح وطرف سيئ وممكن طرفين يكونو سيئين.. مافي مقياس معين
|
انت عم تقول انو ورقة بايد سوريا ؟؟ يا اخي طيب ليش سوريا هي اللي اخدت هالورقة دوناً عن غيرها من الدول ...و ليش سوريا مثلا ما بتكب ورقة حماس و تاخد ورقة اسرائيل ؟؟؟ اربحلا بظن ..ما اربحلا ؟؟ و لشو لتلعب وراق اصلاً ..يعني شو بدها بهالشغلة ؟
اقتباس:
يا عمي حرب تموز انتصار لصحابها مو لإلنا.. حلو والله أنا بينسرق بيتي وبخرس 100 سنة وفوق هيك بقتل أهل بيتي وبخرسون وبعدين اذا اجا جاري رجع بيتو ودعمتو بهالقصة "لمصالح شخصية طبعاً" وقدر يرجع بيتو بتباهى أنا بهالنصر... زكرتني بالمتل تبع سألو الحمار مين أبوك قلون الحصان خالي...
عمي أنا عم اسأل عن الجولان شو دخلني بحرب تموز؟؟
|
اي شريك ...الموضوع ما موضوع جارك...هاي ارضك ...جنوب لبنان ارضك متل ما غرب الادن ارضك متل ما الجولان ارضك ...الشغلة ما حصص ..و بصراع استراتيجي طويل الامد اذا بتقدر توجه نخزة لعدوك بكون منيح ...بكون عظيم حتى , بزمناتو كان ابو عمار يقول انو الطريق الى القدس يمر بجونيه ...و بصراحة معو حق ...و الطريق الى الجولان يمر بشبعا ..و الطريق الى القدس يمر بالجولان ...و هزيمة اسرائيل بتموز هي هزيمة...لاسرائيل قب ماتكون انتصار لحزب او لفريق ما ...هي هزيمة لاسرائيل ..هزيمة لاسرائيل . هيك بدك تقراه
اذا هزيمة لاسرائيل ما بتعنيك و بتحس انو ما دخلك فيها ..ترا ما فيني حكيك شي
اقتباس:
|
صدقني النظام الديموقراطي بيحللك كل مشاكلك بشكل أو بأخر... بداية بالجولان ومو انتهاءً بالبطالة.. كلو بينحل بلدنا أحلى بلد ومشاكلنا كلها بتنحل اذا في حدا صادق همو انو يحلها.. مو همو انو يحرقها كرمال يضل عالكرسي؟
|
و الله يا شريك ..اذا انت قناعتك هيك مشكلة..يعني مفكر انو ما بيعطونا سلاح لانو ما عنا حكومة ديمقراطية
حبيبي حماس بما انو الموضوع عن غزة...حماس منتخبة ديمقراطيا ع الاخر !!! اي اول ما استلمت من هون ...قطعوا المساعدات الشباب ( الاتحاد الاوروبي يعني ) طيب ما شي بحير الطيز !!!
قالو بدهن ديموقراطية...عملو ديموقراطية..و انتخابات حرة و نزيهة بشهادة مين ماكان.. ربحت حماس !!! لك انشالله تكون حماس هي نفسها تبع الايدز يعني...هاي خيار الشعب يا اخي ! الشعب بدو هدول يمثلوه ..شو الكن عندو ..ليش قطعتوا المساعدات ؟؟؟
بربك يا زلمي هدول تبع ديمقراطية ..انو اذا كان عنا ديمقراطية بيعطونا سلاح ؟؟ والله ما بيعطوك الفجلة اذا ما بدن مقابيلها شي ..مصاصين دماء هدول يا زلمي ..و مكشوفين يعني ..انا مستغرب منك بصراحة
J.S: Death is the solution to all problems. No man = No problem.