[VivaSyria]

كاتب النص الأصلي : yass

وجود منظمة التحرير الفلسطيني بلبنان كان شرعي, و شرعيتو مستمدة من قرار الجامعة العربية, و بيكون بعلمك لما بلشت حرب لبنان صار في شي اسمو قوات ردع عربية دخلت لحماية الفلسطينيين (المرة الوحيدة اللي انعملت فيها قوة عربية مشتركة

يلي بعرفو انو قوات الردع العربية فاتت لتوقف الحرب الأهلية ولتمنع تهجير الموارنة ولتوقف الجازر يلي عم تصير ومن ضمنها ضبط الوضع الفلسطيني وتهدئة الوضع العام... ما بعرف تاريخياً انو قوات الردع فاتت لحماية الوجود المسلح الفلسطيني بلبنان وبسط سيطرة المنظمة على الأرض اللبنانية...
الوجود كان شرعي صحيح بس ما كان توطين كان حل مؤقت ليلتقى حل للمشكلة الفلسطينية...

و مو أنا اللي بقبل.. هاد كان الحكي بهديك الأيام.. انو الاتحاد السوفيتي من هون و الاتحاد السوفيتي من هنيك و حبيب الشعب الفلسطيني و مع حقوق الشعب الفلسطيني

مع حقوق الشعب الفلسطيني بتعني انو يدعم الفلسطينين بحرب أهلية؟؟؟ والله ما عم افهم الربط بين دعم القضية الفلسطينية ودعم الفلسطينين ضد اللبنانين بحرب أهلية بلبنان!!!

و حرب لبنان ما كانت حرب فلسطينيين.. اللبنانية فاتو ببعض.. و اللي فاتو مع الفلسطينية كانو حلفاء موسكو شئنا أم أبينا.. و الاتحاد السوفيتي سمح انو حلفائو ينسحقو.. و انو اسرائيل توصل لقلب عاصمة عربية بدون ما يتحرك

هون انت جاوبت على كل شي حكيناه.. اللبنانين فاتو ببعض.. كيف بدك موسكو تدعم الفلسطينين بحرب أهلية؟؟ والأحلى انو تمنع شارون من دخول بيروت.. الأسطول الأمريكي مواجه الشواطئ اللبنانية والسوفييت يتدخلو مشان ما يفوت شارون... ومع هاد كلو دعمو قوات الردع ودعمو الجيش السوري تحديداً بهالمعارك... لك كل السلاح يلي استعملة الجيش السوري بهالمعارك كان روسي وكان عم يوصل عبر جسر جوي أثناء فترة الحرب والدفع بالأجل... برجع بأكد انو هيك كانت مصلحتون بهداك الوقت

روسيا كان لازم توقّف اسرائيل عند حدا و ما تسمحلا بالوصول الى بيروت متل ما وصلت... ما دام حليف استراتيجي عالاساس.. خلي جيش عربي يقرّب حد اسرائيل.. و الله لسى ما تحرك شبر واحد فيها بتلاقي الاسطول السادس تبع البحرية الأميركية بظرف ساعات كلو عندك

ياسين مو قبل دقيقتين اتفقنا على التسميات وعلى الفروقات بين وضع أميركا ووضع الاتحاد السوفييتي؟؟ دولة صديقة مو حليفة بتربطها فينا مصالح وبس مو أكتر... بس تاريخياً فادتنا كتير.