[وشم الجمال]

الى امي في ترابها
مبارح اختي قالتلي انو انتي بتوصلك اخباري وانو انتي اكيد مو سعيدة بسببي
قالتلي انو هيي بتتمنى كون ماشية عالطريق المستقيم وبيقولو انو انا كتير طريقي اعوج وما بعرف استقامة
انا بحبك وبحب تكوني مبسوطة بس ما في حدا مقدر انو انا يللي بدي اصنع حالي
بدي اصنع وجعي ومبادئي بدي افهم الحياة بتجاربي بس مو بتجارب غيري
ممكن اغلط ومو ممكن اكيد بس انا حابة كون انسانة قبل ما كون اي مسمى تاني
بدي اعرف شو انا ...انا مو متل ما قالت نور انو الفلسفة ضيعتني بس انا حابة اوصل بدون ما يكون في طريق مرسوم انو اتبعو حابة كون مستقلة بافكاري وهواجسي
حابة اكتب بلا حاجز ابكي بلا سبب اضحك متل المجنونة
حابة صرخ وحابة حس انو بحقلي كون انسانة متل اي وحدة بالكون

امي شتقتلك كتير وهالفترة بالذات عم حس قديش انا بحاجتك ...

الى امي التانية ...للاسف انتي ما بتعرفي انو بهالشكل عم تخسروني وما بتعرفو انو انتم هيك ما بتعرفو تربو انتو مع كل يوم بتخسرو شوي من سراب وانتو حاسين بهالشي...عارفة انو الود ودكن تستخدمو العنف بس بتعرفو انو سراب ما بيجدي معها العنف...انا متدايقة منكو كتير ومتدايقة من محدودية فكركن وحابة ابعد عنكن....

اخي...استحملتني كتير بعرف انك بتخاف علي وخاصة لانو احنا عايشين بغابة بس انا بديعيش تجربتي ما رح افقد ثقتك بس انت خليك صديق بمعنى الكلمة مو مجرد حكي....

نور...انا ما بكرهك كأخت بس بكره اسلوبك بالحكي معي...حاولي تجردي من انو تحاكيني بالدين لانو ما بنفع معي...احكيني بتجرد وبعاطفة وبحب وصدقيني رح تكسبيني

مروة ...والله انك اعز من اني قول اخت...لك انتي انا

فسحة رجعت ورجع شوي مني مع رجعتك

شتاء لك ااااااااااااااااااااااااا خ شو مشتاقة

للكل بحبكن وسوا ربينا وسليمان بالدنيا انتو

ارسلان....كم أحن اليك وكم اعشق نفسي عندما اذكرك