اقتباس:
كاتب النص الأصلي : ayhamm26
يسلمو ياس على المعلومات , انا كان عندي انطباع انو انمسك بالغلط وما الو علاقة بالقضية
قصة شبيهه هي قصة محمد حيد الزمار, الماني من اصل سوري اتهموا انو هو اللي جند خلية هامبورغ الشهيرة باحداث 11 ايلول, قدموا للمحكمة وما قدرو ا يدينوا رغم صلاتو الوثيقة جدا والواضحة مع القاعدة, لحتى مرة انتظروا لراح زيارة على المغرب وهنيك مسكتوا المخابرات المغربية باوامر امريكية ورحلوا على سوريا ولساتو معتقل لحد هلق وقريت مرة انن حكموا علي ب 12 سنة سجن بتهمة الانتماء للاخوان المسلمين
هلق انا هون صرت ما بستبعد يكون اعتقل بتنسيق مع اسبانيا , لانو صارت هيك العادة اللي ما بيقدروا يدينوا بمحاكمن اللي بتعتمد على الادلة و العدالة , بيبعتوا على بلدو اللي مافي قانون اصلا
|
اللي بالأحمر... ما بعتقد.. لو حكومة حزب الشعب موجودة كان قلت انو معقول.. لكن الحكومة الحالية معتمدة على دعم اليسار.. و اليسار الاسباني جدا حساس لهالأمور (بالزمانات رفضو لجوء سياسي لشب عراقي أيام صدام و قامت الدنيا هون لحتى عطوه)..
هو ترحّل لأنو اقامتو منتهية و وضعو بالبلد غير نظامي .. ويبدو كان في تطمينات من قبل السفارة السورية بمدريد بخصوص وضعو بحيث انو حتى هو كان بدو يروح لعند أهلو (رغم انو المحامي تبعو كان بدو يطلبلو لجوء سياسي بحجة انو ممكن يتعرض للاعتقال بسوريا لكن يبدو انو هو كان بدو يرجع على سوريا) ... بعد ما ترحل و ما انعرف عنو لحتى صارو جمعيات حقوق الانسان يحكو عنو..
بتصوّر انو في اتفاق مع حكومة اسبانيا انو يجوز يتحقق معو و يفلتوه... بتصوّر أكيد اسبانيا آخدة تطمينات كبيرة بهالخصوص لأنو كتير ممكن تضر بسياستها انو الشب يطول فترة احتجازو أو شي.. و هنن كتير كتير بيدققو بهيك أمور و سوريا ما بتزعل اسبانيا..