اقتباس:
كاتب النص الأصلي : lostman1
ما لقيت غير هالموقع تنقل منو - هذا موقع للمريضين نفسياً من الإسلاميين المفلسين ، بصراحة أتمنى أن أسمع و لو مرة واحدة كلمة - هو حر - قراره و إيمانه و لا احد له علاقة - الإنسان له حرية الإيمان - دائماً تبريرات سخيفة - أظن هذه الأعذار و السخيفة يطلقها البعض حتى يتم ربط التحول الديني بالخيانة و أمريكا و اسرائيل و هذا برأيي إفلاس إضافي - الشاب ظهر على قناة الحياة و سيظهر مرة أخرى خلال أيام و ظهر بشهادة المتصلين عاقل و واعي و منطقي و مقنع بردوده و بتبرير تحوله للمسيحية ..
|
هلق موقع عرب تايمز صار للاسلاميين المفلسين , كتير منيح لو صاحب الموقع قرا ردك لفرط من الضحك
المهم الخلاف هون مو على تغيير الدين لانو هو حر ويصطفل , بس الخلاف انو الامثلة اللي عم تصير واللي عم يتحول فيها اشخاص للمسيحية تتصاحب بضجة اعلامية غير مبررة اولا
تانيا بتكون مصحوبة انو الشخص الي عم يعلن تغيير دينو عم يغير جلدو كمان
يعني اذا واحد فلسطيني مسلم صار مسيحي ليش ليبطل اسمو فلسطيني؟؟ بحالة هدا الشخص اللي ابو معتقل عند الاسرائيليين وشعبو عانى الويلات منن ولنفرض انو فعلا كره الاسلام وما عمل هيك مشان الغرين كارد وغيرها شو دخل ليقعد يبرر للاسرائيليين افعالن واعمالن ضد شعبو
والمثل التاني اللي تذكرتو هلق هو الصحفي المصري اللي عايش بايطاليا واللي بابا الفاتيكان
اشرف على تعميدو صار مو بس مسيحي صار من اشد المناصرين لاسرائيل بالغرب
وفاء سلطان اللي راحت زارت اسرائيل كمان هي مثال تالت
فالقصة مسيسة من الاول وما قصة لا اسلام ولا مسيحية لانو وين مكتوب بالانجيل انو اذا بدك تصير مسيحي لازم تحب اسرائيل وتفضلها على شعبك ؟؟؟