المشكلة اللبنانية بتتمركز بتعصب طائفي ديني للأقاليم .. بالإضافة لتعصب طائفي إقليمي للأديان ...
صار لبنان بالأخير ... عبارة عن عدة محافظات ... او بالاحرى لعدة دول .. لو انو كانت محافظات كانت تابعة لسلطة وحدة او اقليم واحد ... لكن الأنسب تتسمى لعدة دول
اقاليم للطائفة الفلانية بالشمال
وأقاليم للطائفة العلتانية بالشرق
وأقاليم للطائفة الاللهاوية بالغرب
واقاليم للطائفة الـ مدري شو ربها الجنوبية
وكل اقليم من هالأقاليم صارت مجزأة ...
على سبيل المثال... الاقليم الجنوبي بيسعى لضم الغربي لملتو وهالملة بيطلع واحد بيطلع بملة جديدة بدو يأسس لحالو شي.....وووو الخ
الامور صارت متل الجنزير ... كل الحلقات متصلة ببعضها ... لكن هونيك في حلقة مفقودة
هي الحلقة المفقودة اللي زعزعت الأوضاع بلبنان
هي الحلقة اللي كل طرف بالداخل والخارج عميستغلها ليشغلها هوي .. ليكون حلقة الربط.. والفصل بنفس الوقت
الكل عميسعى ليكون السلطة الأولى والاخيرة
والمشكلة بتكمن انو ولا طرف من الأطراف مؤهل ليكون ويكوِّن هالحلقة ...
كلو عندو نزاعات دينية واقليمية مع غيرو...
حتى جبهة المقاومة مانا مؤهلة بشكل كامل ... لكن المقاومة هية الكفة الأرجح.. بالنسبة لباقي الأطراف ... لأنو عالأقل حط لبنان ... ووحدة لبنان واستقلالو ... كـ هدف مركزي ورئيسي.. او عالقليل .... تحدثو عن مصالح لبنان كـ وطن ... قبل ما يتحدثو عن لبنان كـ شعب.. أو كـ قوى وطنية وجبهات .
وبرغم الشرخ اللي تولَّد بيني وبين المقاومة برأيي الشخصي ... وذلك من خلال نكث عهدها بعدم استخدام السلاح بالداخل .. لكنها بتضل برأيي الطرف الأفضل بين جميع الأطراف
|