[Ms. J.A]

اولا مش رح افتي بس حتى الدين الاسلامي لا يجيز للاخ ان يقتل اخته هيك ولأنو اكتشف انها غيرت دينها !
فهو ما اقام حدود الله ابدا ولو في عالم بتفهم يتم اعدامو لأنو قام بالقتل !!
تاني اشي موضوع المرتد عن الاسلام يقتل موضوع شائك وصعب يا اخ غضب البحر نتلاشى الحكي عن الاسلام والتخلف ونظام العقوبات اللي فيه وفي أرواح يتم ازهاقها كل فترة في بلدان متخلفة زي السعودية لأنها بتدعي لدين آخر أو لأنها اقتنعت بدين او فكر اخر بغض النظر عن (شو هو هالفكر)..

ليش بنستقبل ناس ارتدوا عن ديانتهم الاخرى للدين الاسلامي ونقتل كل من اختار غير الاسلام دينا ؟؟
ليش بنسمي من يقنع غير المسلمين بالاسلام داعية ونمجه ونعتبره بطل بينما نسمي من يدعو الى المسيحية مبشرا واذا تم اكتشافه بأرض زي السعودية يعاقب؟؟؟
الانسان انولد مسلم وما كانلو اي خيار يكون غير هيك ولمما نفرض عليه عقوبة زي القتل اذا ارتد بعد ما كبر وين الحرية اللي الاسلام نادى فيها ؟؟؟!
الاسلام كدين لازم يحافظ على كيانه وفيها منطقية ووجهة نظر بس هل يتم الحفاظ على كيان الدين الاسلامي بالقتل وازهاق الارواح وكتم الاصوات المعارضة ؟؟! ليش هل يخلو الاسلام من حجج وبراهين تقنع المرتد بالعودة والتوبة؟؟!

بدي ما تآخذني اخ غضب البحر بس صعب امنع حالي انو اطرح هيك اسئلة بعد اللي قرأتو !!!!!!!