اقتباس:
كاتب النص الأصلي : MadMax
هالهروب أكيد ألو آثار سلبية كبيرة ... لأنو بيدفع الأولاد إلى مصادر معرفة أخرى رح تكون عالأغلب مصادر غير موثوقة أو غير صحية ....
بظن أنو أول مصدر للمعلومات الجنسية عند الأولاد هو الرفاق بالمدرسة أو بالناد .. أو بأمكنة أخرى
بعدين بتجي مصادر تانية متل الانترنت و الفضائيات و إلى غير ذلك من وسائل الاعلام
مهمة التربية و التوعية الجنسية و لازم تبدأ من الأسرة ثم من المدرسة ..
كتير مهم تندرج مادة التربية الجنسية بالمناهج الدراسية
لأنو غالباً المصادر يللي عم يلجألها المراهقين هي مصادر غير علمية و عالأغلب ما بتهتم إلا بالجنس كغريزة
لذلك ضروري نوفر البديل الامثل للمعلومات بالنسبة للشباب أو المراهقين
|
المصادر البديلة يلي عم يلجأ اليها الشباب انو اي فينا نسميها مش موثوقة... ومتل ما انت ذكرت بالاخر انها ما بتهتم بالجنس الا كغريزة...
بس ما فينا ننكر انو هلمصادر كتير مريحة للشباب... لانو سهل التعامل معها ولانو ما بتقلهن عيب عليكون او استحو على حالكون....
ولهيك عند هروب الاهل من الاجابة على اسئلة اولادهن (وهي هيي بداية المشكلة بس) الاولاد بيلجأوا لالها...
طيب شو تأثير هروب الاهل على الجوانب الاخرى؟؟؟ مثلا الجانب النفسي او الاجتماعي عند الشباب...
يعني هون في عنا عدة عوامل بتتأثر... قسم انت ذكرتو وقسم حابة انا القاء الضوء علية...
ويلي هو تأثير هروب الاهل واللجوء الى البدائل على:
صقل شخصية الشباب
حياتهن الجنسية كيف رح تكون
تعاملهن مع الشريك والاولاد في المستقبل
كيفية نظرتهم للجنس وتصويرهم الو وكيف هشي بيأثر عليهم
انو في شي كتير مهم برأيي وحابة انو ناقشو وهو
الحياة الجنسية السليمة وكيفية الوصول الها؟؟؟