اقتباس:
صح انا ماني شايفة اي مشكلة في لبس الحجاب...هاي حرية اختيار اللي بدها تلبس تلبس و اللي ما بدها هي حرة...هذا اول شئ...
تاني شئ مروة المعروف ان المراة خلقت للرجل و شو هو الشئ اللي يجذب المراة للرجل اذا ما كان الها مفاتن يعني اكيد انتي بتفهمي عليّ...قصدي المفاتن اللي تثير غريزة الرجل غير العورات...هلا الحجاب يحجب المفاتن عن الرجل لحتى ما تصير الاثارة...
|
وقت ما يكون الحجاب اختياري وبينوضع عن حرية وعن قناعة
ووقتها بس،
ما بيعود في مشكلة بارتداءو
يعني انا مثلا ازا هلأ طق عبالي البس برقع واطلع من البيت ما حدا بيحقلو يقول اي شي
ولا حدا بيطلعلو يعترض
ليش؟؟؟
لانو انا حرة
هيك اخترت اني البس وما حدا دخلو فيي...
ماشي لهون؟
اما لمل يكون الحجاب شي مفروض عليي فرض
ومعمول اصلا مشان يغطيلي جسمي يلي ما بيسموة غير بالعورات او المفاتن
ساعتها بيصير عندي مشكلة معو
يعني هلأ المرأة صارت عورة
وصارت تنحط بقالب واحد بيشوفها من منظار واحد
وهو المنظار الجنسي
لهيك بيستعمل معاها سياسة اللف والتغطاية
بعدين انت عم تقولي انو لازم تغطي مفاتن المرأة عن الرجل
حتى ما تصير اثارة
طيب ليش مش الرجل يلي بيغطي مفاتنو
او ليكون ما عندو مفاتن مثلا؟؟؟
ولا الرجال مسموح يمشي فارع دارع
او ليكون انو احنا ما رح ننثار ونثور
وما رح يجذبنا شي
ليش المفروض انو المرأة تراعي شهوات الرجل وبالمقابل الرجل ما بيراعي شهوات المرأة؟؟
ليش المرأة دائما لازم تتصور ككتلة شر لازم نحجبها؟؟؟