كيف الشباب والصبايا
هلق من حيث المبدأ انا مع الزواج المدني
بس لما قريت بعض الردود تذكرت دروس القومية اللي كنا ناخدها
وبتذكرة أنو على أساس أنو حرية الاعتقاد مصانة
يعني من هون منقدر انو نقول عمبيصر تناقض بهالقصة
يعني من حيث أنو مسلمة تاخد مسيحي
أنو اذا هي بدها تصير مسيحية
فهي حرة حسب الدستور
بس للأسف الدستور غير مطبق
وبالنسبة للزواج المدني أو من غير دين
هو متل ما قال حشتو
انو ما بظن عن قريب يطبق بسوريا لانو نحنا مجتمع ديني للعضم وغير أنو ديني طائفي كتيررررررر
يعني بالدين الواحد طوايفوا ما عم يرضوا عن الزواج بقا كيف غير دين يعني (ما بيصر يتجوز سني من علوية أو درزي من شيعية )
بظن انو بس يتغير المجمتع يعني الجيل السابق بس يروح ويكون طالع جيل جديد بفكر جديد
راح بنقبل هالشي
بس طبعاً لازم التربية الثقافة يلعبوا دور مع الجيل الطالع منشان تظبط القصص
وقبل ما نسى
انو انا عندي تعليق على شغلى الارتداد عن الدين
يعني انو لنحسب انو شي حدا انخلق على دين معين وما عجبوا قام غير دينو
ما بظن انو بيحقلنا انو نقول هو مرتد
لانو ما هوي اللي اختار دينو
يعني المسيحي بالغالب ولد مسيحي
والمسلم كذلك
فلهيك انا بظن انو اذا الانسان ولد على دين معين وغيرو
ما بيكون ارتداد
لانو بالأصل هوي مانو مختار الدين اللي هوي عليه
(لا تواخذوناا طلعنا شوي عن الموضوع)
االمهم منشان الزواج المدني
انا بحس انو الوا فوائد كتير
اهمها انو نقبل الأخر متل ما هوي
هي احسن شغلي بتصير
وغير هي ممكن نتفاهم ونتعرف على اشيا جديدي بشكل أكبر وأعمق
ومنشان سوريا والاحكام فيها
بظن انو القانون السوري لازمواااا إصلاااح كتير
يعيني إصلاااح على أبو موزة
هلق انو صحيح انو نحنا تشريعنا اسلامي
بس اللي بيدقق شوي بالقوانين بيلاقيها حتى بعيدة عن الدين
في بكتير محلات بتحكمنا التقاليد حتى بالقانون والتشريع
وعقبال ما نفرح بإلغاء المادة تبع جرائم الشرف
وكمان بدنا نفرح بتشريع الزواج المدني
ولا تواخذونااااااا أطلنا
