هاد ياجماعة الخير
انا سعيدة جدا اني بيناتكن
القصة اني هي تالت مرة بجرب الموت وبطلع منو بآخر لحظة يعني لما بكون مو ضايل على طلوع الروح الا ثانية اللي بدي اوصلو انو تعاملي مع الموت أو مع موقف الموت كان بيختلف من مرة لمرة هو أكيد رح يختلف بحكم اختلاف الطرق وبما أنو المرة الأولى كانت بحادث سيارة وطلعت من السيارة متل القردة رغم انو السيارة تعجنت علأخير وكل اللي شافها قال اكيد ماحدا رح يطلع منها المهم طلعت من السيارة ولا فيني شي بس أكلت ضربة على عيني وصارت زرقة
تعاملت مع الموقف بعصبية كتير كبيرة وصرت صرخ متل المجنونة رغم انو مافيني شي بس هيك اجا عبالي اصرخ لحتى لميت كل الدنيا على فكرة الحادث صار بسوريا على طريق درعا
الحادث التاني واللي طلعت منو بأعجوبة هو اشتباكات بين حماس وحمااااااااااااااااااااس اى اى بين حماس وحماس التنين قاعدين يطخو عبعض وانا بالنص بيناتن
والمشكلة انو الشارع فاضي ومافي جنس مخلوق
هالمرة كنت أهدا بكتير من لمرة الأولى وضليت ماشية بالشارع بكل ثقة قال
وقلت لو بدي موت خليني موت مارح اركض
(تنحة شو بدكو تعملو
) بس أخيرا سمعت صوت صليل الرصاص حدا سمعو
المهم وانا ماشية بالشارع العام والدنيا كلها فاضية اجت سيارة مسرعة مدري كيف شافني وانا ماشية واجا عطول يشفط صاحب السيارة وشلفني عن الطريق يعني خطفني خطف مشان ماضل ماشية بنص الطخ وسمعني كلمتين حلوين يعني بهدلة مزبطة ووصلني عالبيت (
وفرنا اجرة المواصلات يوميتها
) وضلت أعصابي هادية كأني عم مثل فيلم أكشن بهوليود
وهيك طلعت من الموت للمرة التانية وبرضو ماحدا صدق من الجيران
كمان شوي حيعملوني ولي بتعرفو شو يعني ولي مو هيك