[sandra]

كاتب النص الأصلي : boy freind

انا معك 100 % بهي يعني هالقوانين الظالمة تحل عن هالناس المفروض الولد يختار اما دين الاب او الام بس اذا الولد ما بيفهم بالدين لسه شو الحل معناها قليلي ؟

الفكرة يا بوي فريند أنو القانون عم يفرض على الأهل بأنو ولادهم يتبعو دين معين
ومتل ما انقال سابقاً لازم يكون في قانون مدني بالدولة بيساعد على إحلال الزواج المدني
بتعبير أدق فصل الدين عن الدولة

كاتب النص الأصلي : Urhoy

اذا قانون الدولة ما انفصل كلياً عن الدين فمارح يكون في زواج مدني, وطالما هالشي ما موجود--> فرح نضل نشوف تناقضات معيبة بين ما يدّعي به رجال الدين والدولة من إنصاف و عدل, وبين قوانين البلد. وافضل مثال هو القانون يلي مضمونو :الطفل يتبّع دين أشرف الابوين ديناً!.
لذلك, التغيير يلي رح يصير لازم يكون تغيير جذري (فصل الدين كلياً عن الدولة )....
ولو اني بآمن أن تبادل المشاعر بين إنسانين ما بيحتاج لقوانين أصلاً, لكن إذا ماصار زواج مدني رح ضل شخصياً معارض للزواج المختلط.