يمكن كل حدا يفكر حالو انو تصرفاتو منيحة كتير .. وانو اخلاقو حسنة كتير
وبالتالي يقول انو على هيك انا في صلب الايمان
بالنهاية هالشي مش الانسان نفسو بيحددو..يللي حواليه هني بيحددوه
بما انهم عم يطلعوا عليه من منظور غير المنظور يللي هو بيشوف حالو فيه
بس اني يعني بخجل ئلك حتى ما ينقال انو يي شو واثقة او كذا..
بس رح قلك انو كتار من يللي بيعرفوني قالولي اني مؤمنة.. وانو بيظهر هالشي عليي
حتى اني انو استغرب انو كيف عرفتوا هالشي واني ما بكون قاصدة انو بدي اظهر انو اني مؤمنة
بقى بيطلع انو من تصرفاتي.. او حكيي.. ( بدون ما اقصد اظهر اني مؤمنة ) عم يظهر هيك
ان شاء الله .. نكون كلنا مؤمنين.. وانا بقلك.. الدعاء يللي دايمًا ببالي انو الله يثبت ايمانّا
لانو قد ما نقلك هالشي بيريح النفس.. ما بقدر اوصفلك اديش بيرتاح الانسان لما يكون مؤمن
طولت ما؟ ..
من ئلبي الك مرّوش