[VivaSyria]

حادثة تتكرر يومياً مئات المرات لكن بطرق مختلفة.. مبدئياً الإغتصاب هو أدنى درجات الغريزة "الحيوانية" باعتبار حتى الحيوانات ما بتمارس الجنس بالإجبار إلا في بعض الحالات يلي بيكون فيها الحيوان تحت تأثير ظرف معين لايستطيع استيعابه"بحكم انو حيوان"...

للأسف هدول الأشخاص يلي ممكن يتحرشو ببنت"مو يوصلو لمرحلة الاغتصاب" هنن أشخاص فقدو أي مشاعر أو أحاسيس انسانية وفقدو طريقة التواصل مع حالون قبل مايفقدوها مع الجنس الأخر..

بالنسبة للشق المتعلق بالمسؤولية الحقيقة هي مسؤولية الثقافة والتربية... لو تمعنا بتربية هاد الإنسان ومحيطه الأسري أكيد منعرف مصدر هالخلل الخطير يلي خلاه يتصرف هيك شي"لا إنساني" وحكماً بيكون ثقافياً وفكرياً ضعيف لأبعد الحدود "معلوم انو الثقافة غير التعليم" ...

أما بالنسبة للنقطة "الدينية" يلي برر فيها فعلتو فهاد أخطر شي ممكن يوصلو فكر بشري على اعتبار انو الدين صار وسيلة لتغطية كل أغلاطنا ومصائبنا وصار رداء فضفاض لكل التصرفات يلي مو ممكن يقبل العقل أو الأخلاق فيها.. للأسف هاد حالنا اليوم بكتير مواقع...

بالنسبة لمسؤولية الحكومة عن التوعية فهاد الشي بعيد جداً لأنو ببساطه "الحكومه" موفاضيه لهيك شغلات ولابيناسبها شعب واعي لأنو المعادلة هي (شعب واعي.. شعب يحاسب) ومفهوم انو حكومتنا اذا بتتحاسب بيطلع حسابها تقيل.. فخلي الشعب هيك ملتهي بقصص سخيفة ومغرقينو بالجهل أحسنلن أحسن مايوعوه ويبلش يحاسبهن..